BAKI,VOA, Nailə Babazadə
İsrail mediasının yaydığı məlumata görə, Yəməndəki İran tərəfindən dəstəklənən husilər İsrailin cənub hissəsinə raket zərbəsi endirməyə cəhd ediblər.
VOA xəbər verir ki, bildirilir ki, atılan raket İsrail hava hücumundan müdafiə sistemləri tərəfindən havada zərərsizləşdirilib.
İlkin məlumatlara görə, raket hücumu nəticəsində ölən və ya yaralanan olmayıb. Bu hadisə ABŞ-ın İrana qarşı başlatdığı hərbi əməliyyatlardan sonra Yəməndən İsrailə qarşı həyata keçirilən ilk raket hücumu iddiası kimi qeyd olunub.
Sözügedən iddia ilə bağlı husi hərəkatı tərəfindən hələlik heç bir rəsmi bəyanat verilməyib. Qeyd edək ki, bölgədəki gərginlik ABŞ-İran qarşıdurması fonunda artmaqda davam edir.