BAKI,VOA, Orxan Qədirzadə

26 aprel 1986-cı ildə tarixə ən ağır texnogen fəlakətlərdən biri kimi düşən Çernobıl nüvə qəzası baş verib.

Keçmiş Sovet İttifaqı ərazisində yerləşən Çernobıl Atom Elektrik Stansiyasının 4-cü reaktorunda baş verən partlayış nəticəsində böyük miqdarda radioaktiv maddə atmosferə yayılıb.

Məlumata görə, qəza uğursuz texniki eksperiment zamanı təhlükəsizlik sistemlərinin söndürülməsi və operator səhvləri nəticəsində baş verib. Reaktorun nəzarətdən çıxması güclü partlayışa səbəb olub və nəticədə stansiyanın üst hissəsi dağılıb.

Hadisənin ilk günlərində onlarla insan həyatını itirib, yüzlərlə şəxs isə radiasiya zədələri alıb. Sonrakı illərdə isə minlərlə insan radiasiyanın təsiri ilə müxtəlif xəstəliklərdən əziyyət çəkib.

Qəza nəticəsində Ukraynanın Pripyat şəhəri və ətraf ərazilər tam boşaldılıb. On minlərlə insan evlərini tərk etmək məcburiyyətində qalıb və bölgə bu gün də yaşayış üçün təhlükəli hesab olunur.

Çernobıl faciəsi nəticəsində yayılan radiasiya Avropanın böyük hissəsinə yayılıb, milyonlarla hektar torpaq və meşə sahəsi çirklənib.

Hazırda hadisə baş verən ərazi “qadağan zonası” kimi qalır və yüksək radiasiya səviyyəsinə görə uzun illər yaşayış üçün yararsız hesab edilir.