Bakı. AzerVoice:
İsrailin Qəzza zolağının şimalında Qəzza şəhərinə təşkil etdiyi hücumlarda aralarında qadın və uşaqların da olduğu 8 nəfərin öldüyü açıqlanıb.
AzerVoice xəbər verir ki, İsrail döyüş təyyarələri Qəzza şəhərinin cənubundakı Əl-Bəsrə rayonunda iki evə hücum edib.
Şahidlərin bildirdiyinə görə, mülki müdafiə qrupları iki evin dağıntıları altında axtarış-xilasetmə işlərinə davam edir.
Digər tərəfdən, şahidlər İsrail qüvvələrinə aid hərbi maşınların havadan hücuma keçdikləri Bəsrə bölgəsinin cənubuna doğru irəlilədiyini, Fələstin müqavimət qruplarının hücumlara cavab verdiyini bildiriblər.
Şahidlər həmçinin İsrail qüvvələrinin Bəsrə bölgəsi, Əz-Zeytun və Tel əl-Heva bölgələrində fələstinlilərin evlərinə və küçələrinə artilleriya hücumu təşkil etdiyini bildiriblər.
HƏMAS-ın silahlı qanadı İzzəddin əl-Qəssam Briqadaları tərəfindən verilən açıqlamada, Qəzza şəhərinin Bəsrə mahalının cənubunda İsrail ordusuna aid Merkava tipli tankının Yasin-105 raketi ilə hədəf alındığı paylaşılıb.
Hafiz Rufizoğlu