Bakı, AzerVoice
İsrail ordusunun Qəzza zolağında həyata keçirdiyi hücumlarda həlak olan jurnalistlərin sayı 208-ə yüksəlib.
AzerVoice xəbər verir ki, Qəzza hökumətinin Media Ofisindən verilən açıqlamada fələstinli jurnalist Husam Şebatın İsrailin hücumları nəticəsində həyatını itirdiyi bildirilib.
Açıqlamada Qəzzada daha bir jurnalistin öldürülməsi ilə 7 oktyabr 2023-cü ildən bu yana İsrailin hücumlarında həyatını itirən mətbuat mənsublarının sayının 208-ə yüksəldiyi bildirilib.
Beynəlxalq Jurnalistlər Federasiyası və Ərəb Jurnalistləri Federasiyası başda olmaqla bütün media qurumlarını Qəzza zolağında fələstinli jurnalistlərə qarşı törədilən bu sistematik cinayətləri pisləməyə çağıran bəyanatda, “Biz İsrail və ABŞ-ı, İngiltərə, Almaniya və Fransa kimi ölkələri bu soyqırım cinayətinin məsuliyyətini öz üzərinə götürməyə çağırırıq”- deyə daxil edilmişdir.