Bakı,AzerVoice
Yeni kəşfiyyat quyularımız və yeni qaz yataqlarımız olacaq. Biz təbii qaz üçün müxtəlif sahələrdə işləyirik.
AzerVoice xəbər verir ki, bu barədə Türkiyənin Enerji və Təbii Sərvətlər naziri Alparslan Bayraktar KİV-in suallarını cavablandırarkən deyib.
Rize sahillərində yeni bir yer quyu kəşf etdiklərini bildirən nazir Bayraktar, "Yeni kəşflərimiz və yeni qazmalarımız olacaq" dedi. Türkiyənin 2 milyon barrel təbii qaz və neftə ehtiyacı olduğunu bildirən nazir Bayraktar, "Ehtiyacımızın 1/8-ni istehsal edə bilirik. İlk olaraq Qara dəniz və Aralıq dənizi qazı istifadəyə veriləcək. Qara dəniz və Aralıq dənizindən sonra hədəf Egedir." dedi.
"Üzən hasilat platformamız gələn həftənin əvvəlində Türkiyəyə doğru yola düşür" deyən Bayraktar, bu platformanın mahiyyət etibarilə Qara dəniz qaz yatağında hasilatı artırmaq üçün planlaşdırılan bir platforma olduğunu əlavə etdi.
Platformanın öz gücü ilə 10 milyon kubmetr qaz istehsal edəcəyini bildirən nazir Bayraktar, "Bu, nəhəng bir dəniz bazasıdır. Platforma sanki bir sənaye obyektidir. Uzunluğu 300 metrdir ki, bu da təxminən 3 futbol meydançası, eni isə 56 metrdir. Üzərində çoxlu bölmələr var. Sistem birbaşa BOTAŞ-ın xəttinə bağlanacaq. Oradan da bütün vətəndaşlarımızın istifadəsinə təqdim edəcəyik. Gəmi gələn həftənin əvvəlində Sinqapurdan yola düşəcək və təxminən 2 ay yolda olacaq. Gəmi Afrika qitəsini dolaşaraq, Cəbəllütariq vasitəsilə Aralıq dənizinə daxil olacaq və daha sonra ölkəmizə gələcək.", - deyə nazir əlavə edib.
Bayraktar Türkiyənin təbii qazda aparıcı ölkə olmaq hədəfinə çox yaxın olduqlarını və bunun üçün lazımi infrastrukturu qurduqlarını bildirib.
Nüvə enerjisindəki hədəflərə toxunan Bayraktar, Trakyada geniş miqyaslı elektrik stansiyasının inşasını nəzərdən keçirdiklərini və enerjidə potensialı artıracaqlarını bildirib.
