BAKI,VOA
Zünnar sözü əsasən müsəlman torpaqlarında yaşayan xristian və yəhudilərin digərlərindən fərqlənmələri və dövlət himayəsində olduğunu göstərmək üçün istifadə olunan geyim, saç düzümü və ya müxtəlif aksesuarlardır.
Azərbaycan dilində bəzi yerlərdə buna qurşaq da deyilir. Vaxtilə müsəlmanların himayəsi altında olan xristian din adamları bunun bilinməsi üçün bellərinə ucunda xaç olan kobud, qalın keçə kəmər bağlayardılar. Zaman keçdikcə keçədən olan bu qurşaq ipək, dəri və sair müxtəlif materiallarla əvəz olundu.
Yəhudilər isə xristianlardan fərqli olaraq, öz statuslarını bildirmək üçün alınlarının yanındakı saçları uzadardılar.