Bakı,AzerPress
Arianizm İsanın tanrılığını inkar edən isgəndəriyyəli rahib Arinin (Arius) davamçılarının mənsub olduğu cərəyandır. İsanın təbiəti ilə əlaqəli Xristianlıqda II əsrin əvvəllərindən ortaya çıxan xristoloji müzakirələr IV əsrdən kilsədə dərinləşən ixtilaflara səbəb olmuş və nəticədə, həmin dövrdən kilsənin bü tünlüyünü sarsıdan bölünmələr yaranmışdır.
Arinin fikirlərinə görə, Məsih Tanrı ilə eyni mənşədən və onun oğlu deyil, sadəcə, bir insan və Tanrı ilə insanlar arasında vasitədir. 325-ci ildə keçirilən I Nikea Şurasında Ari aforoz edildi, fikirləri rədd olundu və Məsihin Tanrı ilə eyni mənşədən olması əsas inanc kimi qəbul edildi.
