BAKI, AzerVoice
Dubayda 67 mərtəbəli göydələndə baş verən yanğında minlərlə insan təxliyə edilib.
AzerVoicexəbər verir ki, Birləşmiş
Ərəb Əmirliklərinin Dubay şəhərində yerləşən “Tiger Tower” kimi
tanınan 67 mərtəbəli yaşayış binasında gecə saatlarında güclü
yanğın baş verib.
Hadisə zamanı 764 mənzildə yaşayan 3820 nəfər xəsarət almadan
təxliyə olunub.
Yanğın cümə günü yerli vaxtla saat 21:30 radələrində Dubayın Marina rayonunda yerləşən binanın yuxarı mərtəbələrində başlayıb. Alovlar binanın fasadı boyunca sürətlə yayılıb və geniş ərazidən görünən tüstü yerli sakinlər arasında panikaya səbəb olub.
Dubay Media Ofisinin məlumatına görə, Mülki Müdafiə qüvvələri hadisəyə dərhal müdaxilə edib və təxliyyə prosesi uğurla həyata keçirilib. Açıqlamada bildirilib ki, hadisə nəticəsində ölən və ya xəsarət alan olmayıb.
Qeyd edək ki, yanğının səbəbləri ilə bağlı araşdırmalar davam edir.