BAKI, VOA Orxan Qədirzadə
Türkiyənin əhalisi 2026-cı ilin ilk yarısında artaraq 86 milyon 320 min 602 nəfərə çatıb.
Türkiyə Statistika Təşkilatının (TÜİK) açıqladığı məlumatlara görə, əhalinin 50,01 faizini kişilər, 49,99 faizini isə qadınlar təşkil edir.
Yaş qrupları üzrə ən böyük əhali 25-29 yaş qrupunda qeydə alınıb. Bu yaş qrupunda 6 milyon 655 min 400 nəfər yaşayır. 10-14 yaş qrupunda 6 milyon 562 min 310, 15-19 yaş qrupunda 6 milyon 402 min 350, 30-34 yaş qrupunda isə 6 milyon 347 min 537 nəfər var.
Yaşlı əhali arasında qadınların sayının kişilərdən əhəmiyyətli dərəcədə çox olduğu görünür. Məsələn, 80-84 yaş qrupunda 615 min 70 qadına qarşı 415 min 181 kişi, 85-89 yaş qrupunda isə 331 min 260 qadına qarşı 188 min 785 kişi qeydə alınıb.
90 və yuxarı yaş qrupunda Türkiyədə 257 min 204 nəfər yaşayır. Onların 179 min 225-i qadın, 77 min 979-u kişidir.