BAKI,VOA,Yusif Şərifzadə
Türkiyə prezidenti Rəcəb Tayyib Ərdoğan İsrailin ABŞ ilə İran arasında əldə olunan anlaşmanı zəiflətməyə çalışdığını bildirib.
VOA xəbər verir ki, Ərdoğan bu fikirləri İstanbulda Pakistanın baş naziri Şahbaz Şəriflə birgə keçirilən mətbuat konfransında səsləndirib.
O qeyd edib ki, Türkiyə regionda sülhün əldə olunmasına yönəlmiş istənilən təşəbbüsə dəstək verməyə hazırdır.
Ərdoğan bildirib ki, vasitəçilik prosesi çətin mərhələlərdən keçib və müxtəlif maneələrlə üzləşib.
Türkiyə prezidenti İsraili regional sülh prosesini pozmamağa çağırıb.
O əlavə edib ki, İsrailin mövcudluğunu davam etdirməsinin regiondakı münaqişələrdən asılı olduğu barədə fikirlər mövcuddur və bu, Suriya və Livan kimi ölkələrdəki gərginliklərlə əlaqələndirilir.