BAKI,VOA Nailə Babazadə

Türkiyənin Xarici İşlər naziri Hakan Fidanın Avstriyaya rəsmi səfəri çərçivəsində verdiyi bəyanatlar həm Türkiyə-Aİ münasibətləri, həm də regional münaqişələrin həlli istiqamətində mühüm strateji mesajlarla zəngindir.

VOA xəbər verir ki,Hakan Fidan çıxışında Türkiyənin Avropa Birliyinə üzvlük prosesinin qarşısındakı əsas maneənin texniki şərtlər deyil, məhz Aİ daxilindəki "siyasi iradə çatışmazlığı" olduğunu vurğulayıb. O qeyd edib ki, 2007-ci ildən bəri Aİ-nin genişlənmə strategiyası bəzi liderlərin siyasi yanaşmaları və birliyin daxili qərarvermə mexanizmindəki qüsurlar səbəbindən tıxanıb. Nazirin fikrincə, əhalisi bir milyondan az olan kiçik bir ölkənin veto hüququndan istifadə edərək 500 milyonluq bir coğrafiyanın (Türkiyə və Aİ) strateji maraqlarını "əsir alması" böyük bir diplomatik çıxılmaz vəziyyətdir.

İqtisadi tərəfdaşlığa toxunan nazir, Gömrük İttifaqının yenilənməsinin hər iki tərəf üçün böyük mənfəət gətirəcəyini bildirib. Hazırda illik 250 milyard dollar civarında olan ticarət dövriyyəsinin, müqavilənin müasirləşdirilməsi ilə dərhal 500 milyard dollara yüksəlmə potensialına malik olduğunu riyazi hesablamalara əsaslanaraq diqqətə çatdırıb.

Regional təhlükəsizlik məsələlərində isə Hakan Fidan Türkiyənin sülhyaratma prosesindəki aktiv rolunu qeyd edib. Xüsusilə ABŞ və İran arasında davam edən barış görüşlərində Hörmüz boğazının daimi olaraq ticarətə açılması və atəşkəsin təmin edilməsinin vacibliyini vurğulayıb. Bu mürəkkəb prosesdə Pakistanın vasitəçilik məharətinə inandığını deyən Fidan, Türkiyənin də bu diplomatik səylərə hər cür dəstək verməyə hazır olduğunu ifadə edib. Nazir sonda əlavə edib ki, istər Rusiya-Ukrayna müharibəsi, istərsə də Yaxın Şərqdəki krizislər Türkiyə və Avropanı geostrateji baxımdan birgə fəaliyyətə məhkum edir.