BAKI,VOA, Fərid Mikayılov
Türkiyədə genişmiqyaslı narkotik əməliyyatları nəticəsində böyük həcmdə qadağan olunmuş maddələr dövriyyədən çıxarılıb.
VOA xəbər verir ki, Türkiyənin Daxili İşlər Nazirliyi son bir həftə ərzində 73 vilayətdə narkotik maddə satıcılarına qarşı keçirilən əməliyyatlar zamanı 1 ton 134,5 kiloqram narkotik vasitə və 412 min ədəd psixotrop tərkibli həb aşkar edilərək götürüldüyünü açıqlayıb.
Məlumata görə, əməliyyatlar çərçivəsində narkotik ticarətində iştirak etdiyi müəyyən edilən 958 şübhəli saxlanılıb. Onlardan 475 nəfəri məhkəmə qərarı ilə həbs olunaraq istintaq təcridxanasına göndərilib, 119 nəfər barəsində isə digər qətimkan tədbirləri seçilib. Qalan şəxslərlə bağlı prosedurların davam etdiyi bildirilib.
Əməliyyatlar Türkiyə Polis Təşkilatının Narkotik Cinayətlərlə Mübarizə Baş İdarəsinin koordinasiyası ilə həyata keçirilib.
Genişmiqyaslı tədbirlərə min 544 əməliyyat qrupu, 3 min 982 əməkdaş, 17 hava vasitəsi və 47 xüsusi təlim keçmiş narkotik axtarış iti cəlb olunub.