BAKI,AzerVoice, Fərid Mikayılov

Türkiyənin Xarici İşlər naziri Hakan Fidan, TRT World Forum-da çıxışı zamanı Qəzza və Ukrayna ilə bağlı diplomatik proseslərə dair açıqlamalar verib.

AzerVoice xəbər verir ki, nazir bildirib ki, beynəlxalq sistemdəki qeyri-müəyyənlik artdığı üçün çoxqütblü və dialoqa əsaslanan bir nizamın qurulması zəruridir.”

Nazir qeyd edib ki, Türkiyə çoxşaxəli diplomatiyanı əsas prinsip kimi qorumaqda davam edəcək.

Hakan Fidan, Qəzzada davam edən vəziyyətə dair Türkiyənin mövqeyini bir daha açıqlayıb:

“Sülh yalnız iki dövlətli həll ilə təmin oluna bilər. Türkiyə olaraq həm İslam Əməkdaşlıq Təşkilatı, həm Ərəb Liqası, həm də digər tərəfdaşlarla birlikdə Fələstin dövlətinin tanınması üçün səylərimizi davam etdiririk”- deyə o bildirib.

Nazir əlavə edib ki, atəşkəsin əldə olunmasına baxmayaraq, proses hələ də həssasdır və beynəlxalq mexanizmlərin işə düşməsi vacibdir.

Fidan, Türkiyənin Ukrayna-Rusiya münaqişəsində vasitəçi rolunu davam etdirdiyini bildirib.

“Diplomatiya Ukraynada sülhün yeganə yoludur. Keçmişdə əsir mübadiləsi və taxıl sazişi kimi konkret nəticələr əldə etdik. Liderlərin yenidən İstanbulda görüşməsi üçün hazırıq”- deyə Fidan vurğulayıb.