BAKI,AzerVoice, Fərid Mikayılov
Türkiyənin daxili işlər naziri Ali Yerlikaya son iki həftə ərzində FETÖ-yə qarşı aparılan əməliyyatların nəticələrini açıqlayıb.
AzerVoice xəbər verir ki, 19 şəhərdə keçirilən əməliyyatlarda 53 şübhəli saxlanılıb, onlardan 40 nəfəri məhkəmə qərarı ilə həbs edilib.
Nazirliyin məlumatına görə, saxlanılan şəxslərin FETÖ-nün hazırkı şəbəkəsi daxilində aktiv olduğu, gizli əlaqələr saxladığı, təşkilatın nəzarətindəki qurumlara maliyyə dəstəyi göstərdiyi və sosial media üzərindən təbliğat apardığı müəyyən edilib.
Ankara, İstanbul və İzmirin də aralarında olduğu 19 şəhərdə jandarma tərəfindən həyata keçirilən əməliyyatlarda çoxlu sayda təşkilati sənəd və rəqəmsal material ələ keçirilib.
“Dövlətimizin bütövlüyünə, millətimizin huzuruna qəsd edənlərlə mübarizəmizə qətiyyətlə davam edirik”- deyə Yerlikaya bildirib.