BAKI, AzerVoice, Fərid Mikayılov
İstanbulda yerləşən Haydarpaşa Limanında bu gün səhər saatlarında yanacaq doldurma gəmisində yanğın qeydə alınıb.
AzerVoice xəbər verir ki, hadisə yerinə çoxsaylı yanğınsöndürən və xilasedici qüvvələr cəlb olunub.
Məlumata görə, yanğın gəminin anbar hissəsində başlayıb. Hadisə şahidlərinin verdiyi məlumat əsasında əraziyə dərhal yanğınsöndürmə briqadaları, polis və təcili tibbi yardım qrupları göndərilib.
Yanğınsöndürənlərin çevik müdaxiləsi nəticəsində alov qısa müddətdə nəzarət altına alınıb. Hadisə zamanı xəsarət alan və ya həlak olan olmayıb.
Yanğının səbəblərinin müəyyənləşdirilməsi üçün araşdırmalara başlanılıb. Hazırda liman ərazisində soyutma və təhlükəsizlik tədbirləri davam etdirilir.