BAKI, AzerVoice, Nailə Babazadə
Türkiyə Xarici İşlər Nazirliyi, Pakistanın şimalında baş verən güclü yağışlar nəticəsində yaranan daşqınlarda həyatını itirənlər üçün başsağlığı mesajı yayıb.
AzerVoice xəbər verir ki, nazirliyin rəsmi açıqlamasında, Pakistanı bürüyən sel fəlakəti və nəticəsində yaşanan can itkisinə görə dərin üzüntü duyulduğu qeyd olunub.
"Həyatını itirənlərə Allahdan rəhmət diləyir, Pakistan xalqına başsağlığı verir və yaralananlara şəfa arzulayırıq," – deyə açıqlamada bildirilib.
Xatırladaq ki, Pakistanın şimal bölgəsində yağan güclü yağışlar nəticəsində baş verən daşqınlarda ən azı 220 nəfər həyatını itirib.