BAKI,VOA
Özbəkistan beynəlxalq nəqliyyat dəhlizlərinin möhkəmləndirilməsi və Avrasiya regionunda dəmir yolu əlaqələrinin yaxşılaşdırılması səyləri çərçivəsində ŞƏT-ə üzv dövlətlərin dəmir yolu məkanlarının inteqrasiyası üzrə Şuranın yaradılmasını təklif edib.
Trend-in xüsusi müxbirinin verdiyi məlumata görə, Özbəkistan Prezidenti Şavkat Mirziyoyev bu təkliflə Bişkekdə keçirilən Şanxay Əməkdaşlıq Təşkilatının 25-ci yubiley sammitində çıxış edib. Özbəkistan lideri nəqliyyat əlaqələrinin ŞƏT üzvləri arasında ticarət-iqtisadi əməkdaşlığın genişləndirilməsinin əsas şərti olduğunu vurğulayıb.
Təklif olunan Şura dəmir yollarının inkişafının əlaqələndirilməsi, milli şəbəkələr arasında əlaqələrin yaxşılaşdırılması və təşkilat çərçivəsində beynəlxalq nəqliyyat dəhlizlərinin inkişafının dəstəklənməsi üçün platforma olacaq.
Təşəbbüs Özbəkistanın Mərkəzi Asiyada tranzit qovşağı kimi mövqeyinin möhkəmləndirilməsinə yönəlmiş iri dəmir yolu layihələrini həyata keçirməsi fonunda irəli sürülüb. Onların arasında Çini Mərkəzi Asiya ilə birləşdirən və potensial olaraq Yaxın Şərq və Avropa bazarlarına çıxış imkanı yaradan yeni marşrut kimi hazırlanmaqda olan Çin-Qırğızıstan-Özbəkistan dəmir yolu da var.