BAKI, AzerVoice, Nərmin Ağayeva
Balıkəsirdə ardıcıl iki zəlzələ qeydə alınıb.
AzerVoice xəbər verir ki, Türkiyənin Balıkəsir vilayətinin Sındırgı rayonunda bu gün səhər saatlarında 3,5 və 4 bal gücündə iki yeraltı təkan baş verib. Fövqəladə Hallar və Fövqəladə Halların Rəhbərliyi (AFAD) saat 09:47-də episentri Sındırgı olan, 7 kilometr dərinlikdə 3,5 bal gücündə zəlzələ qeydə alındığını bildirib. Saat 11:11-də isə eyni bölgədə 8,4 kilometr dərinlikdə 4 bal gücündə ikinci təkan baş verib.
Qeyd edək ki, hazırda zəlzələlər nəticəsində hər hansı xəsarət və ya ciddi maddi ziyan barədə məlumat verilməyib.