BAKI, AzerVoice

İctimai asayişi pozan hərəkətlər ifadə azadlığı hüququ çərçivəsində sayıla bilməz.

AzerVoice xəbər verir ki, Türkiyənin ədliyyə naziri Yılmaz Tunç Saraçhanedə prezident Rəcəb Tayyib Ərdoğanın təhqir edildiyi və təhlükəsizlik qüvvələrinə müqavimət göstərildiyi hadisələrlə bağlı aparılan istintaq barədə açıqlama verib.

Nazir bildirib ki, 42 şübhəli ilə bağlı istintaq çox diqqətlə və vasvasılıqla davam etdirilir.

Tunç vurğulayıb ki, prezidentə qarşı edilən hər hansı təhqir yalnız dövlətin ali nüfuzuna deyil, eyni zamanda millətin ortaq dəyərlərinə və iradəsinə yönəlmiş ciddi hörmətsizlikdir. O, qeyd edib ki, heç bir demokratik hüquqi dövlətdə ictimai asayişi pozan, şəxsi hüquqları hədəf alan, dövlətin konstitusiya orqanlarına təhqiramiz hərəkətlər ifadə azadlığı və toplaşmaq hüququ kimi qiymətləndirilə bilməz.

“Prezidentimiz xalqın birbaşa səsləri ilə seçilmiş dövlətimizin başçısı və millətimizin nümayəndəsidir. Ona ünvanlanan hər bir təhqir demokratik iradəyə, qanuna və millətimizin birliyinə hücumdur.” - deyə Nazir əlavə edib.