BAKI, AzerVoice
Türkiyədə həyata keçirilən kiber cinayətlərlə mübarizə əməliyyatları nəticəsində 48 şəhərdə 284 şübhəli saxlanılıb.
AzerVoice xəbər verir ki, bu barədə Türkiyə Daxili İşlər Naziri Ali Yerlikaya X sosial media hesabından paylaşım edib.
Nazir Yerlikaya bildirib ki, saxlanılan şübhəlilər müxtəlif metodlarla vətəndaşları aldadaraq mənfəət əldə etməyə çalışıblar. Onlar sosial media platformaları vasitəsilə yüksək qazanc vədi, aşağı faizli kredit və ya məhsul satışı kimi üsullarla dələduzluq ediblər.
Eyni zamanda, insanların bank hesablarına qanunsuz giriş edərək şəxsi məlumatlardan istifadə yolu ilə gəlir əldə etdikləri müəyyən olunub.
Nazir qeyd edib ki, saxlanılan şəxslər barəsində müvafiq prokurorluqlar tərəfindən istintaq başladılıb.
“Siber Suçlarla Mücadele Kapsamında Son 1 Haftada 284 Şüpheliyi Yakaladık”
— Ali Yerlikaya (@AliYerlikaya) June 28, 2025
48 il merkezli “Nitelikli Dolandırıcılık, Yasa Dışı Bahis, Çevrimiçi Çocuk Müstehcenliği ve Tacizi, Nitelikli Hırsızlık ve Bilişim Sistemlerine Girme” suçlarına yönelik son 1 haftada düzenlediğimiz… pic.twitter.com/ejs9QexwTX