BAKI, AzerVoice
Rəcəb Tayyib Ərdoğanla görüşdükdən sonra atacağımız addımlara və nə edəcəyimizə qərar verəcəyik.
AzerVoice xəbər verir ki, Ukrayna Prezidenti Volodimir Zelenski Ankarada Türkiyə Prezidenti Rəcəb Tayyib Ərdoğanla bir araya gəlib.
Liderlər arasında keçirilən görüş, Rusiya-Ukrayna münaqişəsi ilə bağlı İstanbulda planlaşdırılan sülh danışıqları öncəsi xüsusi əhəmiyyət kəsb edir.
Mətbuata qapalı keçirilən görüşdə Milli Müdafiə naziri Yaşar Güler, Türkiyənin Milli Kəşfiyyat Təşkilatının (MİT) rəhbəri İbrahim Kalın və Prezidentin təhlükəsizlik və xarici siyasət üzrə baş müşaviri Akif Çağatay Kılıç da iştirak ediblər.
Rusiya nümayəndə heyətinin kimlərdən ibarət olacağı ilə bağlı dəqiq məlumata malik olmadığını deyən Ukrayna lideri, rus heyətinin saxta bir heyətə bənzədiyini bildirib.