BAKI,AzerVoice

Türkiyənin Şam Böyükelçiliyinin Hərbi Nümayəndəsi polkovnik-leytenant Həsən Göz yeni vəzifəsinə rəsmi olaraq başlayıb.

AzerVoice xəbər verir ki, u addım, bölgədə təhlükəsizlik və sabitliyin təmin olunması, eləcə də hərbi sahədə informasiya mübadiləsinin gücləndirilməsi istiqamətində atılan mühüm addımlardan biri hesab olunur.

Böyükelçiliyin X sosial media hesabında yayımlanan paylaşımda, polkovnik-leytenant Həsən Gözün Türkiyənin Şam Böyükelçiliyində hərbi nümayəndə olaraq vəzifəsinə başladığı bildirilib.

Paylaşımda həmçinin Türkiyə və Suriya arasında hərbi sahədə əməkdaşlığın davam etdiyi qeyd edilib. Hərbi əməkdaşlıq çərçivəsində iki ölkə arasında təhlükəsizlik məsələləri, regional sabitlik və qarşılıqlı maraq doğuran mövzularda danışıqların aparılması gözlənilir.

Bu təyinatın əsas məqsədi, Türkiyə və Suriya arasında müdafiə və təhlükəsizlik sahələrində əlaqələri gücləndirmək, strateji tərəfdaşlıq çərçivəsində qarşılıqlı təcrübə və məlumat mübadiləsini həyata keçirməkdir. Həmçinin, hərbi sahədə ikitərəfli əlaqələrin dərinləşdirilməsi, terrorla mübarizə və sərhəd təhlükəsizliyinin gücləndirilməsi kimi mühüm məsələlərin müzakirəyə çıxarılması planlaşdırılır.