Bakı,
AzerVoice
Türkiyənin Antalya şəhərində müxtəlif cinayətlərə görə axtarışda
olan 203 şübhəli yaxalanıb
AzerVoice xəbər verir ki, Antalyada
polis qruplarının son bir həftə ərzində həyata keçirdiyi
genişmiqyaslı ictimai asayiş yoxlamaları zamanı 2 min 179 axtarışda
olan şəxs müəyyən edilib və onlardan 203-ü həbs edilib.
İl Təhlükəsizlik Müdirliyinin təşkil etdiyi əməliyyatlarda qəsdən
yaralama, oğurluq, fırıldaqçılıq, yağma və digər cinayətlərdə
şübhəli bilinən şəxslər ələ keçirilib. Ümumi Məlumat Toplama (GBT)
sorğusu çərçivəsində yoxlamalar nəticəsində 179 min 66 vətəndaşın
məlumatları yoxlanılıb.
Əməliyyatlar zamanı oğurlanmış 9 avtomobil və motosiklet, 49
sənədsiz silah, 412 patron və 9 kəsici alət müsadirə edilib.
Tutulan 203 şübhəli ədliyyəyə sövq edilərək həbsxanaya
göndərilib.
