Bakı,AzerVoice
Terrorun mənbəyində məhv edilməsi anlayışı ilə əməliyyatlarını fasiləsiz davam etdirən Türkiyə Silahlı Qüvvələri (TSK) son bir həftədə 198 terrorçunu zərərsizləşdirib.
AzerVoice xəbər verir ki, Türkiyə Milli Müdafiə Nazirliyinin (MSB) keçirdiyi həftəlik mətbuat brifinqində terrorla mübarizə ilə bağlı məlumatlar yer alıb.
Yanvarın birindən indiyədək zərərsizləşdirilən terrorçuların sayı 2419-a çatıb, onlardan 1256-sı İraqda, 1163-ü isə Suriyadadır.
Açıqlamada, İraq və Suriyanın şimalında həyata keçirilən hava əməliyyatları nəticəsində təşkilatın istifadə etdiyi mağara, sığınacaq, anbar və obyektlərdən ibarət olan və məsul terrorçuların da olduğu düşünülən hədəflərin müvəffəqiyyətlə məhv edildiyi bildirilib.