Bakı. AzerVoice:
Türk dünyasının güclənməsi dünya sülhünün təmin edilməsinə bir töhfə və fürsətdir.
AzerVoice xəbər verir ki, bu sözləri Türkiyə Böyük Millət Məclisinin sədri Numan Kurtulmuş Azərbaycan Milli Məclisində keçirilən Türk Dövlətləri Parlament Assambleyasının, 13-cü Baş Assambleyasında çıxışı zamanı deyib.
Türk dünyasının tarixən çox mühüm bir nöqtədə dayandığını və böyük bir yüksəlişin başlanğıcına gəldiyini bildirən Kurtulmuş, şübhəsiz ki, bunda dünya sistemindəki dəyişikliyin ciddi rolu olduğunu bildirib.
“Özbəkistan və Qazaxıstandan başlayaraq, Qafqazdan Anadoluya və Balkanlara, oradan da Avropanın içinə qədər 300 milyona yaxınlaşan bir türk dünyası indi ayağa qalxıb və yüksəlişdədir",- deyə Kurtulmuş qeyd edib.
Kurtulmuş həmçinin, TÜRKPA-nın 13-cü Baş Assambleyasının mövzusunu əhəmiyyətli gördüklərini ifadə edərək, ətraf mühit və iqlim dəyişikliyi ilə mübarizə ilə bağlı atılacaq istənilən addıma hər səviyyədə müsbət dəstək verəcəklərini ifadə edib.
