Səudiyyə Ərəbistanının xarici işlər naziri Feysəl bin Fərhan bazar günü axşam saatlarında rəsmi səfər çərçivəsində Qahirəyə gedib. Səfər Səudiyyə Ərəbistanı ilə Misir arasında siyasi dialoqun intensivləşməsi fonunda baş tutur. Nazir bazar ertəsi ( bu gün) Misirin dövlət başçısı Əbdülfəttah əs-Sisi ilə görüşəcək. Eyni zamanda, Misirin xarici işlər naziri Bədr Abdelatti ilə ikitərəfli danışıqlar planlaşdırılır.

Səudiyyə Ərəbistanının Xarici İşlər Nazirliyi Yəmənin cənubundakı siyasi və hərbi fraksiyaları “cənub məsələsinə ədalətli həll yollarını müzakirə etmək” məqsədilə Ər-Riyadda dialoqa dəvət edib. Nazirliyin yaydığı bəyanatda bildirilib ki, Səudiyyə Ərəbistanının paytaxtında keçiriləcək konfrans Yəmən Prezident Şurasının sədri Rəşad əl-Əliminin müraciəti əsasında təşkil olunur. Bəyanatda Krallıq bütün tərəfləri “cənub əhalisinin istək və gözləntilərini qarşılayacaq hərtərəfli baxışın formalaşdırılması” üçün danışıqlarda iştirak etməyə çağırıb.

Çərşənbə günü Səudiyyə Ərəbistanının Şərq bölgəsində zəlzələ qeydə alınıb. Səudiyyə Geoloji Xidmətinin (SGS) sözçüsü Tariq Aba əl-Xeyl bildirib ki, 4,0 bal gücündə olan zəlzələ nəticəsində hər hansı dağıntı və ya insan tələfatı qeydə alınmayıb. Onun sözlərinə görə, zəlzələ İranın Zaqros dağları bölgəsində Ərəbistan və Avrasiya tektonik plitələrinin toqquşması nəticəsində yaranan tektonik gərginliklə əlaqədardır. Bu gərginlik Səudiyyə Ərəbistanının Şərq bölgəsində yer qabığında mövcud olan qırılmaların aktivləşməsinə səbəb olub.

Səudiyyə Ərəbistanının vəliəhdi və baş naziri Şahzadə Məhəmməd bin Salman çərşənbə axşamı Suriya Prezidenti Əhməd əş-Şəraa ilə telefon danışığı aparıb. Liderlər ölkələri arasında ikitərəfli münasibətləri və müxtəlif sahələrdə əməkdaşlığın gücləndirilməsi imkanlarını müzakirə ediblər. Tərəflər, həmçinin, qarşılıqlı maraq doğuran məsələlər, təhlükəsizlik və sabitliyin təşviqi, eləcə də Suriyada iqtisadi bərpanın dəstəklənməsi istiqamətində göstərilən səylərə toxunublar.

Səudiyyə Ərəbistanının və Qətərin strateji əməkdaşlığı Riyadda keçirilən yüksək səviyyəli görüşlərlə yeni dinamika qazanır. Qətər Əmiri Şeyx Təmim bin Həməd Al Tani səfər çərçivəsində Səudiyyə Ərəbistanının Vəliəhd Şahzadəsi və Baş naziri Məhəmməd bin Salmanın rəsmi qarşılanması ilə Riyada çatıb. Görüş iki ölkə arasında bu gün keçiriləcək Qətər–Səudiyyə Ərəbistanı Koordinasiya Şurasının 8-ci iclasına birgə sədrlik məqsədi daşıyır.

Səudiyyə Ərəbistanının vəliəhdi Məhəmməd bin Salman və Bəhreynin vəliəhdi Şeyx Salman bin Həməd Al-Xəlifə Çərşənbə günü Manamada keçirilən Səudiyyə–Bəhreyn Koordinasiya Şurasının dördüncü iclasına birgə sədrlik edərək bir sıra sazişlər imzalayıblar. Vəliəhd şahzadələr ölkələri arasında əməkdaşlığı möhkəmləndirməyə və bütün sahələrdə ikitərəfli münasibətləri inkişaf etdirməyə hazır olduqlarını bildiriblər.

Səudiyyə Ərəbistanı Nazirlər Kabineti Krallığın bütün tərəfdaşlarla birlikdə 1967-ci il sərhədləri daxilində paytaxtı Şərqi Qüds olan müstəqil Fələstin dövlətinin qurulması istiqamətində səylərini davam etdirəcəyini bir daha bəyan edib. Hökumət həmçinin İsrail ordusunun Qəzzadan tam çıxmasının vacibliyini vurğulayıb. Rabitə və sərmayə mövzuları, eləcə də regiondakı vəziyyət Riyadda keçirilən iclasda vəliəhd şahzadə və Baş nazir Məhəmməd bin Salmanın ABŞ-a səfərinin nəticələri fonunda müzakirə olunub. Vəliəhd şahzadə səfər çərçivəsində prezident Donald Tramp, Konqres rəhbərliyi və Senat üzvləri ilə görüşərək iki ölkə arasındakı tarixi tərəfdaşlığın gücləndirilməsini diqqətə çatdırıb.

Səudiyyə Ərəbistanının Nəqliyyat və Logistika Xidmətləri naziri Saleh bin Nasir əl-Cassir Ciddədə “Agility Logistics” şirkətinə məxsus yeni logistika kompleksinin açılışını edib. Səudiyyə mətbuat agentliyinin (SPA) məlumatına görə, layihənin dəyəri 611 milyon Səudiyyə rialı (təxminən 163 milyon dollar) təşkil edir. Kompleks, “Agility Logistics Parks” tərəfindən inşa edilən və müasir logistika standartlarına uyğun altı “A sinfi” anbarı özündə birləşdirir.

Səudiyyə Ərəbistanının vəliəhd şahzadəsi Məhəmməd bin Səlman 18 noyabr çərşənbə axşamı ABŞ-ın paytaxtı Vaşinqtonda ABŞ Prezidenti Donald Tramp ilə görüşəcək. Tərəflərin təhlükəsizlik, müdafiə, iqtisadi əməkdaşlıq və regional böhranların idarə olunması kimi iki ölkə münasibətlərini əhatə edən əsas məsələləri müzakirə edəcəyi gözlənilir. Bin Salmanın səfəri, 2018-ci ildən sonra ABŞ-a edəcəyi ilk rəsmi ziyarət olması ilə diqqət çəkir.

2025-ci ilin yanvar – oktyabr aylarında Türkiyədən Səudiyyəyə hazır geyim ixracı ötən ilin eyni dövrü ilə müqayisədə 13,3 faiz azalaraq, 94 milyon 305 min 89 dollara bərabər olub. Türkiyə 2025-cü ilin oktyabr ayında Səudiyyəyə hazır geyim ixracını 2024-cü ilin eyni dövrü ilə müqayisədə 35,7 faiz azalaraq, 10 milyon 65 min 74 dollara çatdırıb. Qeyd edək ki, 2025-ci ilin yanvar-oktyabr aylarında Türkiyənin hazır geyim ixracı ötən ilin eyni dövrü ilə müqayisədə 6,2 faiz azalaraq, 14 milyard 219 milyon 509 min dollara bərabər olub.

Səudiyyə Ərəbistanı Nazirlər Şurası bir daha Krallığın regionda və dünyada sülh və təhlükəsizliyi möhkəmləndirməyə yönəlmiş səyləri tam dəstəklədiyini bəyan edib. Şura bu bəyanatı vəliəhd şahzadə, Baş nazir Məhəmməd bin Salmanın sədrliyi ilə keçirilən iclas zamanı səsləndirib. Toplantıda regional və beynəlxalq proseslər, eləcə də hazırkı siyasi vəziyyət müzakirə olunub.

İran və Səudiyyə Ərəbistanı 2026-cı il Həcc ziyarətinin təşkili üzrə saziş imzalayaraq, iki ölkə arasında zəvvarlıq işləri sahəsində əməkdaşlığın növbəti mərhələsini qeyd ediblər. Saziş İranın Həcc və Ziyarət Təşkilatının rəhbəri Əlirza Rəşidian ilə Səudiyyə Həcc və Ümrə Naziri Təvfiq bin Fovzan Əl-Rabiə arasında rəsmi görüş zamanı yekunlaşdırılıb. Görüşdə tərəflər inzibati və xidmət prosedurlarının asanlaşdırılmasının vacibliyini vurğulayıb, müqəddəs yerləri ziyarət edən zəvvarlara göstərilən xidmətlərin keyfiyyətinin artırılması yollarını müzakirə ediblər.