"İran tərəfindən atılan ballistik raket NATO-ya məxsus hava və raketdən müdafiə sistemləri vasitəsilə zərərsizləşdirilib. Torpaqlarımızı və hava məkanımızı hədəf alan hər hansı təhdidə qarşı tərəddüd etmədən bütün lazımi tədbirləri görürük."-deyə nazirliyin açıqlamasında deyilir. Qeyd edək ki, daha öncə İrandna atılan 3 ballistik raket NATO-nun hava və raketdən müdafiə sistemləri vasitəsilə havada zərərsizləşdirilmişdi.

Türkiyənin Milli Müdafiə Nazirliyi NATO-nun İraq Missiyasının geri çəkilməsi barədə qərar qəbul edildiyini açıqlayıb. Bildirilib ki, bu qərar çərçivəsində İraqın paytaxtı Bağdadda xidmət edən Türkiyə Silahlı Qüvvələrinin şəxsi heyəti uğurla ölkəyə təxliyə olunub. Eyni zamanda, NATO-nun geri çəkilmə planı çərçivəsində müttəfiq ölkələrin hərbçilərinin təxliyəsinə də Türkiyə tərəfindən dəstək göstərilib.

Türkiyənin ilk yerli və milli, istehsaldan birbaşa zirehli strukturda hazırlanan SUV avtomobili "TULGA 4x4"-ün təhlükəsizlik qüvvələrinə təhvil verilməsi prosesi başlayıb. BMC şirkətinin rəsmi açıqlamasına görə, avtomobil bütün taktiki qabiliyyət testlərini uğurla tamamlayaraq sahədəki missiyasına start verib. "Ballistik Qorumalı Patrul və Müdaxilə Avtomobili Layihəsi" çərçivəsində hazırlanan TULGA 4x4, daxili təhlükəsizlik personalının operativ ehtiyaclarını qarşılamaq məqsədilə xüsusi olaraq dizayn edilib.

Türkiyə Milli Müdafiə Nazirliyinin (MSB) mənbələri İncirlik Hərbi Bazasındakı həyəcan siqnallarına dair sosial mediada yayılan məlumatlara münasibət bildirib. MSB-nin açıqlamasında qeyd olunub ki, sosial mediada İncirlik Hərbi Bazasındakı həyəcan siqnallarının çaldığına dair paylaşımlar yer alsa da, hər hansı bir hücum və ya təhlükəli hadisə baş verməyib.

Türkiyə Milli Müdafiə Nazirliyinin (MSB) mətbuat və ictimaiyyətlə əlaqələr üzrə müşaviri, kontr-admiral Zəki Aktürk nazirlikdə keçirdilən həftəlik brifinqdə mühüm açıqlamalar verib. Aktürk Yunanıstanın beynəlxalq müqavilələrə zidd olaraq adaların qeyri-hərbi statusunu pozan addımlarına toxunaraq bildirib ki, bu cür cəhdlər həm hüquqi müstəvidə qanunsuzluq yaradır, həm də qonşuluq və müttəfiqlik münasibətlərinə xələl gətirir. Ankara tərəfincə bu hərəkətlərin regional sabitliyə təhdid olduğu və beynəlxalq hüquq normaları çərçivəsində qəbulolunmazlığı bir daha vurğulanıb.

Türkiyənin Milli Müdafiə Nazirliyi (MN): İrandan atılıb Türkiyə hava məkanına daxil olan ballistik sursat Şərqi Aralıq dənizindəki NATO qüvvələri tərəfindən zərərsizləşdirilib. Sursatın bəzi parçaları Qaziantepdə boş əraziyə düşüb.

Türkiyə Milli Müdafiə Nazirliyi (MSB) ABŞ və İsrailin İrana hücumlarından sonra Türkiyə sərhədinə doğru böyük köç dalğasının başladığı barədə yayılan xəbərlərin həqiqəti əks etdirmədiyini bildirib. Nazirliyin həftəlik mətbuatı məlumatlandırma toplantısında sərhəd təhlükəsizliyi və regional proseslərlə bağlı mühüm açıqlamalar verilib. Nazirlik mənbələri sosial mediada yayılan görüntülərin həqiqətdən uzaq və manipulyativ olduğunu vurğulayıb.

Türkiyə Milli Müdafiə Nazirliyi (MSB) tərəfindən keçirilən həftəlik brifinqdə regional təhlükəsizlik və hərbi əməliyyatlarla bağlı yayılan dezinformasiyalara sərt cavab verilib. Nazirlik bəzi media resurslarında yer alan "ABŞ-ın mümkün müdaxiləsi zamanı Türkiyənin İran torpaqlarına girəcəyi" barədə xəbərləri qəti şəkildə yalanlayıb. Rəsmi açıqlamada bildirilib ki, Türkiyə qonşu ölkələrdəki gərginliklərin hər zaman sülh və diplomatiya yolu ilə həllinin tərəfdarıdır. Sərhəd xəttində təhlükəsizlik tədbirləri yüksək səviyyədə və koordinasiyalı şəkildə davam etdirilsə də, İran ərazisinə hər hansı hərbi müdaxilə planlaşdırılmır.

Türkiyənin Milli Müdafiə Nazirliyi Yunanıstanın Krit adasının cənubunda həyata keçirdiyi hidrokarbon fəaliyyətləri ilə bağlı açıqlama verib. Nazirlikdən bildirilib ki, 2019-cu ildə Türkiyə ilə Liviya arasında imzalanmış “Dəniz Səlahiyyət Zonalarına dair Anlaşma Memorandumu”na və Liviyanın 27 may 2025-ci il tarixində Birləşmiş Millətlər Təşkilatına təqdim etdiyi dəniz səlahiyyət zonalarına zidd şəkildə aparılan fəaliyyətlər qanunsuz hesab olunur.

Türkiyənin ilk pilotsuz dəniz vasitəsinin ixracını həyata keçirən ULAQ Global beynəlxalq uğurunu Səudiyyə Ərəbistanına daşıyıb. SAMI Group-un törəmə şirkəti və Dövlət İnvestisiya Fonduna (PIF) məxsus SAMI Autonomous Company ilə ULAQ Global Autonomous Systems arasında Ər-Riyadda keçirilən World Defense Show 2026 çərçivəsində əməkdaşlıq sazişi imzalanıb.

Türkiyə Milli Müdafiə Nazirliyi, NATO-nun bu il keçirilən ən genişmiqyaslı təlimi olan "Steadfast Dart-26"da iştirak edəcək quru qoşunları bölmələrinin Almaniyanın Emden limanına çatdırıldığını elan edib. Nazirliyin sosial media hesabında paylaşılan məlumata görə, bu strateji daşıma əməliyyatı Türkiyənin ən böyük hərbi gəmisi olan TCG Anadolu vasitəsilə uğurla həyata keçirilib.

Türkiyə Hərbi Hava Qüvvələrinin komandanı ordu generalı Ziya Cemal Kadıoğlu "Typhoon" döyüş təyyarələrinin tədarük prosesini müzakirə etmək məqsədilə Qətərdə bir sıra strateji görüşlər keçirib. Türkiyə Milli Müdafiə Nazirliyində keçirilən həftəlik mətbuat məlumatlandırma toplantısından sonra yanvarın 18-19-da baş tutan bu səfərlə bağlı detallar açıqlanıb. Qətər Hərbi Hava Qüvvələri komandanının ev sahibliyi etdiyi görüşdə Böyük Britaniya Hərbi Hava Qüvvələri komandanı da iştirak edib. Üçtərəfli toplantıda təyyarələrin tədarükündən əvvəlki təlim prosesləri və atılacaq digər texniki addımlar ətraflı nəzərdən keçirilib.