Türkiyə Respublikasının Prezidenti Rəcəb Tayyib Ərdoğan Dünya İqtisadi Forumunun (WEF) və "BlackRock" investisiya şirkətinin rəhbəri Lourens Duqlas Finki qəbul edib. İstanbuldakı Dolmabağça İşçi Ofisində mətbuata qapalı şəraitdə keçirilən görüşdə qlobal iqtisadiyyatdakı son meyllər və investisiya imkanları müzakirə olunub. Qəbulda Türkiyənin xəzinə və maliyyə naziri Mehmet Şimşek, energetika və təbii sərvətlər naziri Alparslan Bayraktar, həmçinin Dünya İqtisadi Forumunun yüksək səviyyəli rəhbəri Alois Tsvinqqi də iştirak ediblər.