Türkiyənin AFAD və Türk Qızılayı tərəfindən hazırlanan, daxilində 730 ton humanitar yardım olan gəmi Livanın paytaxtı Beyrutun limanına çatıb. İsrailin hücumları nəticəsində ölkə daxilində bir milyondan çox insanın (əhalinin təxminən 20%-i) didərgin düşməsi fonunda göndərilən bu yardım paketinə 7 min 200 çadır, 10 mindən çox qida bağlaması, 28 min ədyal və minlərlə gigiyena dəsti daxildir. Yardımların Livan Yüksək Yardım Komitəsinə təhvil verilərək qısa müddətdə sığınacaq mərkəzlərində və ondan kənarda yaşayan ehtiyac sahibi ailələrə paylanması planlaşdırılır.

Yardım karvanının Ağrı vilayətinin Doğubayazıt rayonunda yerləşən Gürbulak sərhəd-keçid məntəqəsi vasitəsilə İrana çatdırılması planlaşdırılır. Van Səhiyyə İdarəsinin rəhbəri Məhəmməd Tosun bildirib ki, bu təşəbbüs müxtəlif bölgələrdən toplanan tibbi vasitələrin koordinasiyalı şəkildə çatdırılmasını təmin etmək məqsədi daşıyır. Onun sözlərinə görə, daha əvvəl də 3 yük maşını ilə yardım göndərilib və son göndərişlə birlikdə ümumi yardım sayı 9 maşına çatır.

Türkiyənin Səhiyyə naziri Kamal Memişoğlu dərman və tibbi ləvazimatlarla dolu altı yük avtomobilindən ibarət yardım konvoyunun aprelin iyirmi dördündə Gürbulak sərhəd keçid məntəqəsi vasitəsilə İrana göndəriləcəyini açıqlayıb. Nazir Memişoğlu sosial media hesabından etdiyi paylaşımda Türkiyənin bir yaxşılıq sivilizasiyası olduğunu və sağlamlığı qorumağın müqəddəsliyinə inandıqlarını ifadə edib.

Bəzən tarix gurultulu hadisələrlə deyil, səssiz qərarlarla yazılır. Bəzən bir zəng, bir jest, vaxtında verilmiş bir mesaj bütöv regionun siyasi ritmini dəyişə bilir. Yaxın Şərqdə baş verən hadisələrin fonunda Cənubi Qafqazın mürəkkəb geosiyasi labirintində məhz belə məqamlardan biri yaşandı. Prezident İlham Əliyev ilə Məsud Pezeşkian arasında baş tutan telefon danışığı, sadəcə, iki dövlət başçısını deyil, iki siyasi xətti birləşdirdi. Etiraf etmək lazımdır ki, İran ilə ABŞ arasında əldə olunan iki həftəlik atəşkəs zahirən müvəqqəti fasilə təsiri bağışlasa da, əslində regionun gələcək dinamikası üçün mühüm bir nəfəs imkanı yaratdı.

İsrail hakimiyyəti Qəzza zolağının Misir ilə yeganə çıxış nöqtəsi olan Rəfah sərhəd-keçid məntəqəsini gediş-gəliş üçün tamamilə bağlayıb. Fələstinin rəsmi WAFA agentliyinin məlumatına görə, İsrail hərbçiləri xəstələrin və onları müşayiət edən şəxslərin Misirə keçidini bloklayıb. Bu qadağa müalicəsi Qəzza daxilində mümkün olmayan yüzlərlə ağır yaralı və xroniki xəstənin həyatını birbaşa təhlükə altına qoyur.

Azərbaycan Respublikasının Prezidenti İlham Əliyev və İran İslam Respublikasının Prezidenti Məsud Pezeşkian arasında baş tutmuş telefon danışıqlarına əsasən, qonşu və dost İran xalqının hazırkı ehtiyaclarının təmin edilməsi məqsədilə İrana növbəti humanitar yardım yola salınır.

Rusiyanın İrana göndərdiyi humanitar yardımı daşıyan yük avtomobilləri "Cənub Astara" dövlət sərhədindən buraxılış məntəqəsinə çatıb. Xatırladaq ki, martın 12-də Rusiya Fövqəladə Hallar Nazirliyi tərəfindən göndərilən, çəkisi 13 tondan artıq olan dərman və tibbi ləvazimatlardan ibarət humanitar yardım da Azərbaycan ərazisindən tranzit keçməklə İrana yola salınmışdı.

Meksika Hərbi Dəniz Qüvvələrinin yaydığı məlumata görə, Isla Mujeres adasından yola çıxan və martın 24-25-də Kubaya çatması gözlənilən teknələrlə əlaqə kəsilib. Hadisə ilə bağlı Karib dənizi bölgəsində genişmiqyaslı axtarış-xilasetmə əməliyyatı başladılıb. Meksika tərəfi dənizdə insan həyatının qorunması ilə bağlı bütün müvafiq protokolların işə salındığını qeyd edib.

Humanitar yardımın təqdimetmə mərasimində İranın Dərgəz şəhərinin meri Müctəba Bəzmara, Xorasan-Rəzəvi vilayətində Xarici İşlər Nazirliyinin nümayəndəliyinin rəhbəri, nazir müşaviri Əli Məsumifər və İranın Türkmənistandakı səfiri Əli Müctəba Ruzbəhani iştirak ediblər.

Avropa Birliyi (AB) Komisyonu 2026-cı il üçün Fələstin, Livan, Suriya, İordaniya və Misirdəki humanitar böhranların aradan qaldırılması məqsədilə təxminən 458 milyon avro məbləğində yardım paketini təsdiqlədiyini açıqlayıb. Komissiyanın yazılı bəyanatında bəzi böyük donorların regiondan çəkilməsi və beynəlxalq humanitar hüququn ciddi təzyiq altında olması fonunda bu dəstəyin kritik əhəmiyyət kəsb etdiyi vurğulanıb. Yardım paketinin ən böyük hissəsi — 210 milyon avro Suriyadakı təcili müdaxilə və mühafizə tədbirlərinə yönəldiləcək.

Türk Qızıl Ayparası tərəfindən Qəzza zolağındakı təxirəsalınmaz ehtiyacları qarşılamaq üçün hazırlanan və daxilində təxminən 1400 ton humanitar yardım materialı olan 20-ci "Yaxşılıq gəmisi" Mersin Beynəlxalq Limanından mərasimlə yola salınıb.

Səudiyyə Ərəbistanının "KSrelief" humanitar yardım agentliyi dünyanın ən həssas icmalarına həyati əhəmiyyətli yardımların çatdırılmasını sürətləndirib. Agentlik son fəaliyyətləri çərçivəsində Suriya Ərəb Respublikasının Hələb quberniyasında didərgin düşmüş 272 ailəyə sığınacaq dəstləri paylayıb.