BAKI,VOA, Fərid Mikayılov
İran İslam İnqilabı Keşikçiləri Korpusu (SEPAH) Səudiyyə Ərəbistanının paytaxtı Ər-Riyadda yerləşən ABŞ səfirliyinə dron hücumu ilə bağlı məsuliyyəti rədd edib.
VOA xəbər verir ki, SEPAH-ın açıqlamasında bildirilib ki, 3 mart tarixində baş verdiyi iddia olunan hücum İran ordusu ilə əlaqəli deyil və hadisənin İsrail tərəfindən həyata keçirildiyi iddia olunur.
Bu bəyanat The Wall Street Journal qəzetinin yaydığı və hücumun Səudiyyə rəsmilərinin açıqladığından daha ciddi nəticələrə səbəb olduğunu iddia edən materialdan sonra verilib.
Məqalədə Səudiyyə Müdafiə Nazirliyinin hadisəni məhdud yanğın və kiçik ziyan kimi təqdim etməsinə baxmayaraq, yanğının saatlarla davam etdiyi və daha geniş dağıntıya səbəb olduğu qeyd olunub.
SEPAH açıqlamasında həmçinin vurğulanıb ki, hücum İran silahlı qüvvələri ilə heç bir əlaqəyə malik deyil.