Türkiyənin xarici işlər naziri Hakan Fidan bildirib ki, ölkəsinin xarici siyasəti bölgədə sabitliyi təmin etmək prinsipi üzərində qurulub və bunun üçün bir neçə əsas şərt mövcuddur. “Birincisi, müharibə və münaqişələri mümkün qədər sakitləşdirmək və ya dayandırmaq. İkincisi, iqtisadi əməkdaşlığı ədalətli şəkildə inkişaf etdirmək ki, hər kəs fayda götürsün. Üçüncüsü, əlaqələri və regional qurumları institusional səviyyədə möhkəmləndirmək lazımdır ki, onlar daha davamlı olsun,” – Fidan qeyd edib.

Türkiyənin ərazi sularında keçirilən və bir neçə gün davam edən “Dostluq dənizi-2025” adlı Misir-Türkiyə birgə dəniz təlimləri başa çatıb. Bu addım iki ölkə arasında hərbi koordinasiyanı gücləndirsə də, müşahidəçilərə görə, İsrail başda olmaqla bəzi qonşu dövlətlərdə narahatlıq yaradıb. Misir ordusunun rəsmi sözçüsü açıqlamasında bildirib ki, təlimlərin məqsədi “ikili imkanlardan maksimum faydalanmaq və müxtəlif təhlükələrə qarşı dəniz əməliyyatlarının qorunması üsullarında təcrübə mübadiləsi aparmaq” olub. Onun sözlərinə görə, təlimlər çərçivəsində əməliyyat konsepsiyalarının birləşdirilməsi üçün çoxsaylı seminarlar keçirilib, hər iki ölkənin xüsusi qüvvələri müxtəlif silahlardan atışlar icra edib, helikopterlərin gəmilər üzərində mübadiləsi aparılıb, şübhəli gəmilərin yoxlanılması, həmçinin dənizdə təchizat tapşırıqları həyata keçirilib.

Türkiyənin Xarici İşlər naziri Hakan Fidan, 1 oktyabr 2025-ci il tarixində Səudiyyə Ərəbistanına səfər edəcək. nazir Fidan, El-Ula şəhərində keçiriləcək beynəlxalq konfransda iştirak edəcək. Nazir Hakan Fidanın səfəri çərçivəsində konfrans iştirakçıları ilə ikitərəfli görüşlər keçirməsi, regional və beynəlxalq gündəmdə olan məsələlərlə bağlı fikir mübadiləsi aparması da planlaşdırılır. Qeyd edək ki, El-Ula şəhəri, Səudiyyə Ərəbistanının tarixi və mədəni baxımdan əhəmiyyətli bölgələrindən biri olmaqla yanaşı, son illərdə beynəlxalq tədbirlərə ev sahibliyi edən mühüm mərkəzə çevrilib. Konfransda regional əməkdaşlıq, enerji təhlükəsizliyi, iqtisadi inkişaf və Yaxın Şərqdəki siyasi proseslərin müzakirə olunacağı gözlənilir

Türkiyənin Xarici İşlər Naziri Hakan Fidan, BMT Baş Assambleyasının 80-ci sessiyası çərçivəsində keçirilən İslam Əməkdaşlıq Təşkilatı (İƏT) Xarici İşlər Nazirlərinin İllik Koordinasiya Toplantısında çıxış edərək İsrailin bölgədəki siyasətini sərt şəkildə tənqid edib. Fidan bildirib ki, Qəzzada törədilən soyqırım və İsrailin İordan çayının qərb sahilini ilhaq etməyə yönəlik səyləri bölgədə təhlükəli nəticələr doğura bilər. Onun sözlərinə görə, İsrailin hazırkı fəaliyyəti, yalnız Fələstin xalqına qarşı deyil, bütün regionun sabitliyinə qarşı yönəlmiş bir təhdid olaraq qiymətləndirilməlidir.

Türkiyənin Xarici İşlər naziri Hakan Fidan, regional inkişaflara dair qiymətləndirmələrində İsrailin Qətərə hücumunu sərt tənqid edərək bunun bölgədə yeni bir mərhələ açdığını vurğulayıb. Nazir bildirib ki, İsrail artıq risklərini hesablamış və Fələstin məsələsinin də o üzünə keçərək regional genişlənmə siyasəti yürütməyə başlayıb.

Fidan bildirib ki, İslam Əməkdaşlıq Təşkilatı və Ərəb Liqasının birgə toplantısı nəticəsində yayımlanan yekun bəyanatdan əlavə, liderlərin qapalı görüşlərində İsrailin bölgədəki genişlənmə siyasətinə qarşı mediaya açıqlanmayan mühüm qərarlar qəbul edilib.

Türkiyə Prezidenti Rəcəb Tayyib Ərdoğan Fələstin Prezidenti Mahmud Abbasla Prezident Sarayında görüşüb. Ərdoğan, Prezident Sarayının girişində Fələstin Prezidenti Abbası qarşılayıb. Liderlər pilləkənlər üzərində Türkiyə və Fələstin bayraqları önündə xatirə şəkli çəkdiriblər. Daha sonra Ərdoğan və Abbas arasında görüş keçirilib. Mətbuata qapalı olan görüşdə Türkiyənin xarici işlər naziri Hakan Fidan da iştirak edib.

Türkiyənin xarici işlər naziri Hakan Fidan bəyan edib ki, Ankara İsrailin ekspansionist siyasətinə qarşı durmaq üçün onunla qonşu olan bütün ölkələrlə daimi təmasdadır. Fidanın sözlərinə görə, ABŞ-ın İsrailə xüsusi münasibəti Vaşinqtonun regiondakı mövqelərini zəiflədir və hətta onun tərəfdaşları arasında da narazılıq doğurur. Türkiyə XİN rəhbəri vurğulayıb ki, İsrailin ekspansiyasının iki əsas səbəbi var və onlardan biri , əraziləri genişləndirmək və “Böyük İsrail” qurmaq istəyi, digəri isə,bölgə ölkələrini zəif və parçalanmış vəziyyətdə saxlamaq niyyəti.

Türkiyə Xarici İşlər naziri Hakan Fidan 15 sentyabrda keçiriləcək İslam Əməkdaşlıq Təşkilatı (İƏT) – Ərəb Liqası Xüsusi Zirvəsinə hazırlıq məqsədilə yarın Qətərin paytaxtı Dohada keçiriləcək Xarici İşlər Nazirləri Toplantısında iştirak edəcək

Türkiyənin xarici işlər naziri Hakan Fidan bildirib ki, İsrailin Qəzzada törətdiyi insanlıq əleyhinə cinayətlərin açıq şəkildə tanınması və ifşa edilməsi “ədalətli dünya üçün atılacaq ilk addımdır”. Fidan bu fikirləri cümə günü İtaliyanın paytaxtı Romada yerləşən Beynəlxalq Münasibətlər İnstitutunda keçirilən konfransda səsləndirib. O vurğulayıb ki, Qəzza məsələsi BMT Baş Assambleyasının gündəliyində olacaq və “bu mövzu beynəlxalq ictimaiyyət üçün doğru ilə yanlışı ayırd etmə testidir”.

Türkiyənin xarici işlər naziri Hakan Fidan 11–12 sentyabr tarixlərində İtaliyaya işgüzar səfər edəcək. Səfər çərçivəsində Fidan İtaliyanın baş nazir müavini və xarici işlər naziri Antonio Tajani ilə görüşəcək, həmçinin Romadakı Istituto Affari Internazionali adlı beyin mərkəzində çıxış edəcək.

Türkiyənin xarici işlər naziri Hakan Fidan, ABŞ-ın Fələstin prezidenti Mahmud Abbasa viza verməməsi ilə bağlı Ankaranın mövqeyini açıqlayıb. Fidan dövlət olaraq alternativ variantlar üzərində işlədiklərini, bu çərçivədə Fələstin rəsmiləri və ərəb ölkələri ilə geniş məsləhətləşmələrin aparıldığını bildirib. Nazir vurğulayıb ki, Türkiyənin Fələstin məsələsindəki mövqeyi dəyişməz olaraq qalır. O, sentyabr ayında keçiriləcək BMT Baş Assambleyasının bu il xüsusi əhəmiyyət daşıdığını qeyd edib və izlas çərçivəsində Fələstin mövzusunda konfrans təşkil ediləcəyini xatırladaraq, bu tədbirin vacibliyinə diqqət çəkib.