Ümumdünya Poçt İttifaqı (ÜPİ) çərşənbə axşamı yaydığı bəyanatda 25 ölkənin ABŞ-a bağlama göndərilməsini dayandırdığını açıqlayıb.

Almaniya Bundesliqasının nəhənglərindən Borussia Dortmund heyətini gənc istedadla gücləndirib. Gənc futbolçu ötən mövsümün ikinci yarısını Dortmundda icarə əsasında keçirmişdi. O, Almaniya klubu ilə müxtəlif turnirlərdə ümumilikdə 18 oyunda meydana çıxaraq 1 qola imza atıb.

Almaniya kansleri Fridrix Mertz İsrailin Qəzzanın cənubundakı Nasser xəstəxanasına hücumunu kəskin şəkildə tənqid edərək, bunu “qəbuledilməz” adlandırıb. O, xüsusilə mülki itkilərin, tibbi personalın və jurnalistlərin hədəfə düşməsini İsrailin əməliyyatlarının legitimliyinə kölgə salan ciddi problem kimi qiymətləndirib. Mertz Belçika baş naziri Bart De Vever ilə Berlində keçirdiyi mətbuat konfransında İsrailin genişlənən hərbi əməliyyatına qarşı olduğunu bildirib. Onun sözlərinə görə, baş verənlər mülki əhali, xəstəxana işçiləri və jurnalistlər arasında qəbuledilməz itkilərə səbəb olub.

İran Xarici İşlər Nazirliyinin sözçüsü İsmayıl Bekayi bildirib ki, 2015-ci il nüvə sazişində iştirak edən Avropa tərəflərinin, Tehrana qarşı BMT sanksiyalarını bərpa edəcək “tetik mexanizmi” (snapback) işlətmək üçün hüquqi səlahiyyəti yoxdur. İranın rəsmi IRNA xəbər agentliyinə əsasən, Bekayi Tehranda Xarici İşlər Nazirliyində keçirdiyi mətbuat konfransında ölkənin xarici siyasət gündəmi ilə bağlı fikirlərini bölüşüb. İngiltərə, Fransa və Almaniyanın "İranın sazişi pozduğunu əsas gətirərək BMT sanksiyalarını bərpa etmək üçün mexanizmi işə salmaq" hədəsini dəyərləndirən Bekayi deyib ki, "Avropa tərəflərinin bu mexanizmdən istifadə etməyə nə hüquqi, nə də mənəvi legitimliyi var."

Arsenalın alman futbolçusu Kai Havertz dizindəki zədə səbəbindən sentyabr ayında keçiriləcək DÇ-2026 seçmə mərhələsinin oyunlarında Almaniya millisinin heyətinə daxil edilməyib. Havertz yeni mövsümün ilk turunda Mançester Yunaytedlə oyunda zədələnərək meydanı yarımçıq tərk edib.

Almaniya kansleri Fridrix Merts bəyan edib ki, Rusiya prezidenti Vladimir Putin və Ukrayna lideri Vladimir Zelenski arasında gözlənilən görüş baş tutmasa, Moskva əlavə sanksiyalarla üzləşə bilər. Merts bu açıqlamanı Kanadanın baş naziri Mark Karni ilə birgə keçirdiyi mətbuat konfransında verib.

Almaniyanın Hamburq limanı yaxınlığındakı anbarlardan birində güclü yanğın baş verib. Feddel rayonunda alov əvvəlcə bir avtomobili bürüyüb, daha sonra qaz balonlarına keçərək partlayışlara səbəb olub. Partlayış nəticəsində balonların parçaları yaxınlıqdakı avtomagistralda hərəkətdə olan avtomobillərin üzərinə düşüb, xəsarət alanların olduğu bildirilib. Hadisədən sonra magistral yol nəqliyyatın hərəkəti üçün bağlanıb.

Norveç Ukrayna üçün hava hücumundan müdafiə sistemlərinin alınmasına təxminən 7 milyard kron (695 milyon dollardan çox) ayıracaq. Bu barədə Norveç hökumətinin yaydığı bəyanatda qeyd olunub.

İranın xarici işlər naziri Abbas Əraqçi və Rusiya xarici işlər naziri Sergey Lavrov arasında baş tutan telefon danışığında tərəflər bildiriblər ki, Böyük Britaniya, Fransa və Almaniyanın BMT Təhlükəsizlik Şurasının (TŞ) İrana qarşı sanksiyaları bərpa etmək təşəbbüsü qanunsuzdur və bu ölkələrin belə bir səlahiyyəti yoxdur.

Almaniyanın RB Leytspiq klubunun idman direktoru Marsel Şafer, niderlandlı yarımmüdafiəçi Xavi Simonsun Çelsiyə keçmək istədiyini təsdiqləyib. Çelsi isə Simonsu heyətinə qatmaqda maraqlıdır. Bununla belə, London klubunun əvvəlcə hücumçu Kristofer Nkunkunu satması lazım gəlir. Lakin fransız futbolçunun transferi çətinliklərlə üzləşib.

Hoylundun Bavariyaya icarəyə verilməsi imkanı klub prezidenti Uli Hönessin son vaxtlar müdafiə etdiyi transfer strategiyasına uyğun gəlir. Lakin Münhen təmsilçisinin rəhbərliyində bu keçidə hələ də ehtiyatla yanaşanlar var. Danimarkalı hücumçu Bavariya üçün əsas hədəf sayılmır və Harri Keynin ehtiyatı kimi düşünülür. Bu isə Hoylundun Mançester Yunayteddəki vəziyyətinə bənzər bir durum yarada bilər.

Ölkədə nasist keçmişi səbəbindən hərbi müdaxiləyə qarşı həssaslıq qalır və bu, Bundestaqda belə bir qətnamənin qəbul edilməsini çətinləşdirir. Radikal sağçı Alternativ für Deutschland (AfD) partiyasının lideri Alice Weidel planı “təhlükəli və məsuliyyətsiz” adlandırıb, CDU-nun xarici işlər naziri Johann Wadephul isə qoşun yeridilməsinin Almaniyaya gərginlik yaradacağını vurğulayıb. Almaniyada keçirilən sorğular göstərir ki, əhalinin 49 faizi qoşun göndərilməsini dəstəkləyir, 45 faizi isə əleyhinədir. Merzin koalisiya tərəfdaşı Sosial Demokratlar (SPD) isə Ukraynaya qoşun yeritməyə qarşıdır.