Fələstin Dövlət Başçısı Mahmud Abbas bildirib ki, İsrailin hücumları altında olan Qəzza zolağının idarə olunması və təhlükəsizliyi ilə bağlı tam məsuliyyəti daşımağa səlahiyyətli yeganə qurum Fələstin Dövlətidir. Abbas bu fikirləri Fransa və Səudiyyə Ərəbistanının təşəbbüsü ilə BMT çərçivəsində təşkil edilən “Fələstin məsələsinə həll tapılması və İki Dövlətli Həllin həyata keçirilməsi” mövzusunda keçirilən Yüksək Səviyyəli Beynəlxalq Konfransda çıxışı zamanı bildirib. ABŞ-ın Fələstin heyətinə viza verməməsi səbəbilə Abbas tədbirdə video bağlantı vasitəsilə iştirak edib və konfransda qəbul edilən sülh planını həyata keçirmək üçün ABŞ Prezidenti Donald Tramp, Səudiyyə Ərəbistanı, Fransa, Birləşmiş Millətlər Təşkilatı və digər tərəfdaşlarla əməkdaşlığa hazır olduqlarını qeyd edib.

Türkiyə Prezidenti Rəcəb Tayyib Ərdoğanın “Ədalət və rifah üçün Türkiyənin diplomatik vizyonu” başlıqlı məqaləsi ABŞ-ın nüfuzlu nəşrlərindən olan Newsweek jurnalında ingilis dilində dərc olunub. Ərdoğan məqaləsində dünyanı təhdid edən münaqişələr, qeyri-sabitlik, terror hücumları, pandemiyalar, iqlim böhranları və artan ədalətsizliklər fonunda Türkiyənin ədalət, sülh və həmrəylik mərkəzli xarici siyasət yürütməyə davam etdiyini vurğulayıb. O, "Dünya beşdən böyükdür" ifadəsi ilə BMT sisteminə yönələn tənqidin təkcə bir şüar deyil, eyni zamanda bəşəriyyətin ortaq gələcəyinə dair bir baxışın ifadəsi olduğunu qeyd edib.

Portuqaliyanın xarici işlər naziri Paulo Rangel bazar günü Nyu-Yorkda verdiyi açıqlamada, hökumətin Fələstini dövlət olaraq tanıdığını bildirib. Rangel bu addımın, “qalıcı sülh üçün yeganə həll yolunun iki dövlətli həll olduğu” vizyonunu dəstəklədiyini vurğuladı.

Böyük Britaniya və Portuqaliyanın bu gün Fələstin dövlətini tanıyacaqları gözlənilir. AzerVoice-in məlumatına görə, Baş nazir Kir Starmer gün ərzində rəsmi açıqlama verəcək. Portuqaliyanın Xarici İşlər Nazirliyi isə cümə günü bildirib ki, ölkə bazar günü Fələstini rəsmən tanıyacaq.

Stokholmda bir araya gələn yüzlərlə etirazçı, İsrailin Qəzzadakı hərbi əməliyyatlarını "soyqırımı müharibəsi" adlandıraraq bu prosesin dayandırılmasını tələb ediblər. Odenplan Meydanında təşkil olunan aksiyada iştirakçılar İsrailə silah embarqosunun tətbiqini, İsrailli şirkətlərin boykot edilməsini və bu ölkə ilə bütün münasibətlərin dayandırılmasını istəyiblər.Etirazçılar "Bu bir savaş deyil, soyqırımdır", "Azad Fələstin", "Katil İsrail", "Dirəniş, azadlıq, ədalət və yenidənqurma" kimi şüarlar səsləndiriblər.

Türkiyənin ədalət naziri Yılmaz Tunç bildirib ki, Fələstin xalqının legitim hüquqlarının qorunması beynəlxalq hüququn, regional sülhün və insanlığın əsas tələblərindən biridir. O qeyd edib ki, "harada baş verərsə versin ədalətsizlik, bütün dünyada ədalətə qarşı bir təhdiddir". Nazir Tunç bu fikirləri Maltanın paytaxtı Valettada keçirilən Avropa Şurasının Ədalət Nazirləri Konfransı çərçivəsində "1959-dan Rəqəmsal Dövrə: Rəqəmsal Vasitələrlə Ədli Əməkdaşlığın Modernləşdirilməsi" mövzusunda keçirilən iclasda səsləndirib.

Türkiyə Prezidenti Rəcəb Tayyib Ərdoğan Fələstin Prezidenti Mahmud Abbasla Prezident Sarayında görüşüb. Ərdoğan, Prezident Sarayının girişində Fələstin Prezidenti Abbası qarşılayıb. Liderlər pilləkənlər üzərində Türkiyə və Fələstin bayraqları önündə xatirə şəkli çəkdiriblər. Daha sonra Ərdoğan və Abbas arasında görüş keçirilib. Mətbuata qapalı olan görüşdə Türkiyənin xarici işlər naziri Hakan Fidan da iştirak edib.

Qəzza zolağında İsrailin hücumları və tətbiq etdiyi blokada səbəbindən dərinləşən humanitar fəlakət fonunda, son 24 saatda biri uşaq olmaqla daha 4 fələstinli aclıqdan dünyasını dəyişib. Açıqlamada qeyd olunub ki, son bir sutkada aclıq və qida çatışmazlığı səbəbilə biri uşaq olmaqla 4 nəfər həyatını itirib. Beləliklə, 7 oktyabr 2023-cü ildən bu günə qədər aclıq səbəbilə ölənlərin ümumi sayı 435-ə yüksəlib. Onlardan 147-si uşaqdır. BMT-nin dəstəklədiyi İnteqrə edilmiş Qida Təhlükəsizliyi Faza Təsnifatı (IPC) tərəfindən 22 avqust tarixində Qəzzada rəsmi olaraq "aclq vəziyyəti" elan edildiyi gündən bəri 157 nəfərin – onlardan 32-si uşaq olmaqla – aclıq və yetersiz qidalanma səbəbilə həyatını itirdiyi bildirilir. IPC xəbərdarlıq edib ki, bu vəziyyət sentyabr ayının sonunadək Deyr əl-Bələh və Xan Yunis şəhərlərinə də yayıla bilər.

Ankara bu gün Fələstin Dövlət Başçısı Mahmud Abbası qarşılayacaq. Prezident Rəcəb Tayyib Ərdoğan Mahmud Abbası rəsmi mərasimlə qəbul edəcək. Türkiyə Prezidenti Rəcəb Tayyib Ərdoğan, Mahmud Abbas ilə görüşmədən əvvəl "Şəhid Ailələri, Qazilər və Qazi Ailələrinin Dövlət Qurumlarına yerləşdirilməsi üzrə Püşkatma Mərasimi"ndə iştirak edəcək. Beştəpə Millət Konqres və Mədəniyyət Mərkəzində keçiriləcək mərasim saat 15:00-da başlayacaq.

BMT baş katibi Antonio Quterreş çərşənbə axşamı Qəzza şəhərinin “sistematik dağıdılmasını” pisləyib və bildirib ki, İsrailin soyqırımı törədib-törətmədiyi barədə qərarı beynəlxalq məhkəmələr verməlidir. “Baş katibin səlahiyyətlərinə soyqırımı barədə hüquqi qərar vermək aid deyil. Bu, yalnız Beynəlxalq Ədalət Məhkəməsinin səlahiyyətinə daxildir”-deyə Quttereş Quterreş Nyu-Yorkda jurnalistlərin suallarını cavablandırarkən deyib.

Türkiyə Prezidenti Rəcəb Tayyib Ərdoğan Qüdsün 2 milyardlıq İslam aləminin ortaq davası, yaddaşı və irsi olduğunu vurğulayıb. Ərdoğan bu barədə Ankarada Xarici İşlər Nazirliyinin yeni kompleksinin təməlqoyma mərasimində çıxışı zamanı bildirib.Ərdoğan beynəlxalq vəziyyətin getdikcə daha qeyri-sabit olduğunu, Türkiyənin isə sabitliyi qorumaq və sülhü təmin etmək üçün həm yumşaq, həm də sərt gücündən istifadə etdiyini vurğulayıb.

Baykar İdarə Heyətinin sədri Selçuk Bayraktar, İstanbul Atatürk Hava Limanında keçirilən TEKNOFEST 2025 sərgisində çıxış edərək, festivalın sadəcə bir texnologiya sərgisi deyil, Milli Texnologiya Hərəkatının simvolu olduğunu bildirib.