Türkiyənin Xarici İşlər Nazirliyi tərəfindən Prezident Rəcəb Tayyib Ərdoğanın himayəsi altında təşkil olunan Beşinci Antalya Diplomatiya Forumu (ADF2026) Antalyada işinə başlayıb. ADF2026 dövlət başçılarını, siyasətçiləri, diplomatları, akademik dairələrin nümayəndələrini, biznes ictimaiyyətini, KİV və vətəndaş cəmiyyəti təmsilçilərini bir araya gətirərək qeyri-müəyyənliklərin daha effektiv idarə olunması və aktual qlobal problemlərin həlli ilə yanaşı, gələcək çağırışlara hazırlıq məsələlərinin müzakirəsinə şərait yaradacaq. Forum çərçivəsində əsas məruzəçilərin çıxışları, panel müzakirələri, interaktiv sessiyalar, eləcə də ikitərəfli görüşlər nəzərdə tutulub. Bu görüşlər zamanı iştirakçılar qlobal trendləri və regional prosesləri müzakirə edəcək, mümkün həll yolları və qabaqcıl təcrübə ilə bağlı fikir mübadiləsi aparacaqlar.

Türkiyə Prezidenti Rəcəb Tayyib Ərdoğan İstanbulda keçirilən 152-ci Parlamentlərarası Birlik Baş Assambleyasında çıxışı zamanı İsrailin bölgədə həyata keçirdiyi hərbi əməliyyatları və beynəlxalq hüquq normalarına tabe olmamasını sərt tənqid edib. Dövlət başçısı İsrail hökumətini həm öz xalqı, həm Fələstin, həm də bütün region üçün sülh və hüzur yolundakı ən böyük maneə adlandırıb.

Türkiyə Prezidenti Rəcəb Tayyib Ərdoğan Şimali Kipr Türk Respublikasının (ŞKTR) Prezidenti Tufan Ərhürman ilə görüşüb. Prezident Ərdoğan və ŞKTR lideri Ərhürman arasındakı qəbul İstanbulda, Dolmabağça sarayında baş tutub. Görüşdə iki ölkə arasındakı qardaşlıq münasibətləri, Kipr məsələsi və regional inkişaflar ətrafında fikir mübadiləsi aparılıb.

Türkiyə Prezidenti Rəcəb Tayyib Ərdoğan Vyetnam Milli Assambleyasının sədri Tran Than Man və rəhbərlik etdiyi nümayəndə heyətini qəbul edib. Prezidentin Dolmabahçe ofisində baş tutan qəbulda Türkiyə Milli Kəşfiyyat Təşkilatının (MİT) rəhbəri İbrahim Kalın, Prezidentin xarici siyasət və təhlükəsizlik məsələləri üzrə baş müşaviri Akif Çağatay Kılıç və Prezident Administrasiyasının Kommunikasiya idarəsinin rəhbəri Burhanettin Duran da iştirak ediblər.

Türkiyə Prezidenti Rəcəb Tayyib Ərdoğan ilə Kanadanın Baş naziri Mark Karni arasında telefon danışığı baş tutub. Türkiyə Prezidenti Administrasiyasının Kommunikasiya İdarəsinin sosial media hesabından verilən məlumata görə, liderlər Türkiyə və Kanada arasındakı ikitərəfli münasibətləri, həmçinin regional və qlobal əhəmiyyətli məsələləri ətraflı müzakirə ediblər.

Türkiyə Prezidenti Rəcəb Tayyib Ərdoğan paytaxt Ankarada Ədalət və İnkişaf Partiyasının (AKP) parlament fraksiyasının iclasında çıxış edərək İsrailə kəskin tənqid edib. Prezident Ərdoğan bildirib ki, heç bir qüvvə Türkiyəni və onun prezidentini təhdid edə bilməz. "Mənim şəxsiyyətimə və ölkəmizə dil uzadan uşaq qatillərinə bir daha xatırladıram ki, Türkiyə sıradan bir dövlət deyil. Biz zalıma zalım, oğruya oğru, qatilə qatil deməyə və Qəzza uşaqlarının səsi olmağa davam edəcəyik."-deyə Ərdoğan çıxışında bildirib.

Türkiyə Prezidenti Rəcəb Tayyib Ərdoğan parlamentdə çıxışı zamanı Hörmüz boğazı ətrafında yaranan enerji böhranına baxmayaraq ölkənin enerji təminatında sabitliyin qorunduğunu bildirib. Qeyd olunub ki, ölkə enerji mənbələrinin şaxələndirilməsi və tədarükçü ölkələrin sayının artırılması istiqamətində ardıcıl addımlar atıb, eyni zamanda hidroenergetika, külək, günəş, geotermal və nüvə enerjisi sahələrində iri layihələr həyata keçirilib.

Türkiyə Prezidenti Rəcəb Tayyib Ərdoğan Şanlıurfada baş vermiş insidentlə bağlı danışıb. Ərdoğan parlamentdə keçirilən çıxışı zamanı Siverek rayonunda məktəbdə baş verən hadisənin cəmiyyət üçün ağır olduğunu bildirib. Məlumata əsasən, dövlət başçısı hadisə ilə bağlı araşdırmaların başladıldığını, bir nəfərin saxlanıldığını və 4 idarəçinin vəzifəsindən uzaqlaşdırıldığını açıqlayıb.

Türkiyə Prezidenti Rəcəb Tayyib Ərdoğan sosial şəbəkə hesabında etdiyi paylaşımda CHP rəhbərliyini kəskin tənqid edib. Ərdoğan bildirib ki, CHP sədri həqiqətən millətə və qadınlara fayda vermək istəyirsə, nazirlik adları ilə uğraşmağı dayandırıb partiyasını "xərçəng hüceyrəsi kimi saran" korrupsiya, rüşvət və taciz skandalları ilə məşğul olmalıdır. Prezident qeyd edib ki, əgər CHP sədri yeni bir struktur qurmaq istəyirsə, təcili olaraq partiya daxilində "korrupsiyadan təmizlənmə şöbəsi" yaratmalıdır.

Kürdistan Vətənsevərlər Birliyinin (KYB) sədri Bafel Talabani İraqdakı son siyasi vəziyyət və regional gərginliklə bağlı mühüm bəyanatlarla çıxış edib. Bafel Talabani yaydığı video-müraciətdə ABŞ, İsrail və İran arasındakı gərginliyin azaldılması, tərəflərin danışıqlar masasına gətirilməsi istiqamətindəki fəaliyyətinə görə Türkiyə Respublikasının Prezidenti Rəcəb Tayyib Ərdoğana və Türkiyəyə xüsusi təşəkkürünü ifadə edib.

Türkiyə Prezidenti və AK Partiya sədri Rəcəb Tayyib Ərdoğan İstanbulda keçirilən ICAPP Qadın Qolunun 9-cu toplantısında çıxış edərək, qadınların ölkənin siyasi və sosial həyatındakı rolunu yüksək qiymətləndirib. Dövlət başçısı qadınların dəstəyi ilə Türkiyədə tarixi islahatların həyata keçirildiyini vurğulayıb. Yarım əsrə yaxın siyasi fəaliyyəti dövründə qadınlarla çiyin-çiyinə çalışmaqdan qürur duyduğunu bildirən Ərdoğan, AK Partiyanın qazandığı uğurların təməlində qadın qollarının dayandığını qeyd edib. O, partiyanın 25-ci ildönümündə AK Partiya Qadın Qollarını Türkiyənin ən dinamik və ən böyük qadın hərəkatı kimi xarakterizə edib.

Türkiyə Prezidenti Rəcəb Tayyib Ərdoğan İstanbulda keçirilən Beynəlxalq Asiya Siyasi Partiyalar Konfransının (ICAPP) Qadın Qolu 9-cu İclasının iştirakçılarını qəbul edib. Görüş Prezidentin Dolmabahçedəki iş ofisində baş tutub. Görüş Prezidentin Dolmabahçedəki iş ofisində baş tutub. Görüşdən əvvəl İstanbulun Bahçelievler səmtindəki otellərdən birində "Qlobal Transformasiya Dövründə Qadın Liderliyi" mövzusunda geniş konfrans keçirilib. Bu əhəmiyyətli toplantıda Asiya ölkələrindən gələn qadın siyasi liderlər, müxtəlif partiyaların təmsilçiləri və beynəlxalq ekspertlər iştirak ediblər. Konfransın yekununda Prezident Ərdoğan iştirakçıları qəbul edərək, qadınların siyasətdə və qlobal qərarların verilməsi prosesindəki rolunun vacibliyini vurğulayıb.