BAKI,VOA, Fərid Mikayılov

Mançester Yunayted sol cinah müdafiəsini gücləndirmək planlarında ciddi zərbə alıb. Dünya səviyyəli Alfonso Deyvisin bu yay Bavariyadan ayrılmaq niyyətində olmadığı bildirilir.

VOA xəbər verir ki, Alman nəhəngi futbolçunu “transfer bazarında olmayan” oyunçu kimi qiymətləndirir və onun satışına yalnız “fövqəladə maliyyə təklifi” olarsa baxıla biləcəyini açıqlayıb.

Bavariya rəhbərliyi Kanadalı futbolçunu komandanın sol cinahının əsas sütunu kimi görür. Klubun mövqeyinə görə, digər klublarla heç bir danışıqlar aparılmır və oyunçu vasitəçilər üzərindən də transfer siyahısına çıxarılmayıb.

Deyvisin hazırkı müqaviləsi 2030-cu ilə qədər qüvvədədir və o, Bundesliqanın ən yüksək maaş alan futbolçularından biri hesab olunur. Bildirilir ki, onun illik qazancı bonuslarla birlikdə təxminən 20 milyon avroya çatır.

Uzun müddət zədə problemi yaşayan Deyvis bu mövsüm 11 Bundesliqa matçında meydana çıxıb və formaya qayıtdıqdan sonra performansını artırıb.

Mançester Yunayted alternativ axtarır

Bu vəziyyət Mançester Yunaytedi yeni sol cinah müdafiəçisi axtarışına məcbur edir. Klub Luk Şouya alternativ və rəqabət yarada biləcək oyunçu tapmaq üçün transfer bazarında digər variantlara yönələcək.