BAKI,VOA
Avstriyada təlim-məşq toplanışını davam etdirən Azərbaycan milli komandasının heyətində dəyişiklik edilib.
VOA xəbər verir ki, bu barədə Azərbaycan Futbol Federasiyaları Assosiasiyası məlumat yayıb.
Bildirilib ki, Anton Krivotsyuk və Abdulla Xaybulayev yığmanın heyətindən çıxarılıblar.
Qeyd edək ki, Azərbaycan millisi Avstriya toplanışı çərçivəsində keçirdiyi ilk yoldaşlıq görüşündə Malta milli futbol komandasına 0:2 hesabı ilə məğlub olub. Həmin oyunda rəqibin ikinci qolundan sonra futbolçular arasında gərginlik yaşanıb.
Ayxan Abbasovun rəhbərlik etdiyi komanda növbəti yoldaşlıq oyununu iyunun 9-da San Marino milli futbol komandasına qarşı keçirəcək.