BAKI,AzerVoice, Fərid Mikayılov
Azərbaycan təmsilçisi Qarabağ bu gün UEFA Çempionlar Liqasının pley-off mərhələsinin cavab qarşılaşması çərçivəsində Macarıstanın Ferentsvaroş klubu ilə qarşılaşacaq.
AzerVoice xəbər verir ki, ilk görüşdə təmsilçimiz Macarıstanda 1-3 hesabı ilə qalib gəlib və Çempionlar Liqasına bir addım daha yaxınlaşıb.
Görüşü fransalı FİFA referisi Klement Turpen idarə edəcək. Matç sabah, Bakı vaxtı ilə saat 20:45-də Tofiq Bəhramov adına Respublika Stadionunda başlayacaq.
Xatırladaq ki, tərəflər 2022-ci ildə də üz-üzə gəlib. Həmin vaxt Bakıda keçirilən ilk oyun 1:1 hesablı heç-heçə ilə başa çatmış, cavab görüşündə isə Qarabağ Budapeştdə rəqibini 3:1 hesabı ilə məğlub edərək növbəti mərhələyə yüksəlib.