BAKI,AzerVoice, Fərid Mikayılov
İtaliyanın AC Milan klubu Sportinqin hücumçusu Konrad Harderin transferi üçün razılığa yaxın olsa da, danimarkalı futbolçu Fransa Liqa 1-də çıxış etməyə üstünlük verir.
AzerVoice xəbər verir ki, Milan klubu Harder üçün 24 milyon avro əsas məbləğ və əlavə 3 milyon avro bonus ödəmək barədə razılıq əldə edib.
Buna baxmayaraq, 22 yaşlı hücumçu Fransanın Renn klubuna keçmək niyyətindədir.
Milan daha əvvəl Bayer Leverkusendən Viktor Bonifeysi transfer etməyə çalışsa da, tibbi müayinədə yaranan problemlərə görə bu transfer baş tutmayıb. Buna görə də klub Harderə yönəlib.
Danimarkalı futbolçu ötən mövsüm Norşellandan Sportinqə transfer olunub.
O, Portuqaliya klubunda 51 oyuna çıxaraq 12 qol vurub, 7 məhsuldar ötürmə edib. Müqaviləsinə əlavə olaraq satışdan pay şərti də daxil edilib.
Rafael Leaonun yoxluğunu ciddi şəkildə hiss edən Milanın növbəti oyunu avqustun 30-da Leççeyə qarşı keçiriləcək. Klub həmin vaxta qədər hücum xəttini gücləndirməyi planlaşdırır.