BAKI,AzerVoice, Fərid Mikayılov
Fənərbağça, Meksika millisinin kapitanı və Vest Ham Yunatedin yarımmüdafiəçisi Edson Alvarezi 2025–2026 mövsümünün sonuna qədər icarəyə götürdüyünü açıqlayıb.
AzerVoice xəbər verir ki, 28 yaşlı futbolçu sarı-göy formanı geyinərək müqaviləyə imza atıb.
Təcrübəli yarımmüdafiəçi imza mərasimindən sonra hisslərini bölüşüb.
“Fənərbağçanın böyük klub olduğunu əvvəldən bilirdim, amma bura gələndə bunun düşündüyümdən də böyük olduğunu gördüm. Azarkeşlərin dəstəyi inanılmazdır. Hazırda üzərimdə Fənərbağça forması var və bu forma üçün hər şeyimi verəcəyəm. Azarkeşlərimizin heç bir şübhəsi olmasın”- deyə o bildirib
Fənərbağça Futbol Direktoru Devin Özek yeni transfer barədə fikirlərini bölüşüb.
“Meksika millisinin kapitanı Edson Alvarez ilə müqavilə bağladıq. O, güclü, zəkalı və beynəlxalq təcrübəyə sahib bir futbolçudur. Onu klubumuzda görməkdən böyük məmnuniyyət duyuruq”- deyə Özek vurğulayıb.