BAKI, AzerVoice, Səməd Əyyubov
"Qalatasaray" nigeriyalı forvard Viktor Osimhenin transferini reallaşdırıb.
AzerVoice xəbər verir ki, bu barədə klubun mətbuat xidməti məlumat yayıb.
Bildirilib ki, "Qalatasaray" Osimhenin transferi üçün İtaliyanın "Napoli" klubuna 75 milyon avro transfer haqqı ödəyib. Ulduz futbolçunun 4 illik müqavilə imzaladığı, hər mövsüm üçün 15 milyon avro maaş alacağı, əlavə olaraq 5 milyon avro reklam və kommersiya gəlirləri, 1 milyon avro isə müqaviləyə sadiqliyə görə əlavə ödəniş əldə edəcəyi qeyd olunub.
Qeyd edək ki, 26 yaşlı Osimhen ötən mövsüm icarə əsasında "Qalatasaray"da çıxış edib. O, 41 rəsmi oyunda 37 qol vurub və 8 məhsuldar ötürmə edib.