BAKI, AzerVoice

NBA-in final seriyasında Oklahoma City Thunder komandası Indiana Pacers üzərində həlledici yeddinci oyunda 103–91 hesablı qələbə qazanaraq klub tarixində ikinci dəfə NBA çempionu oldu.

AzerVoice xəbər verir ki, bu, komandanın 2008-ci ildə ad və şəhər dəyişməsindən sonra ilk çempionluğudur.

Gərgin keçən final seriyasının son qarşılaşmasında Indiana Pacers ilk hissəni 48–47 hesabı ilə üstün başa vursa da, üçüncü çeyrəkdən etibarən oyuna nəzarəti ələ alan Oklahoma City Thunder üstünlüyünü sonadək qorudu və seriyanı 4–3 hesabı ilə tamamladı.

Thunder komandasının ulduz oyunçusu Şey Gildceus-Aleksandr 29 xal, 12 ribaund və 5 asistlə “double-double” edərək həm final seriyasının, həm də ümumilikdə mövsümün ən dəyərli oyunçusu (MVP) seçildi. Jalen Villiams da 20 xal, 4 ribaund və 4 assistlə komandasının qələbəsində mühüm rol oynadı.

Indiana Pacers tərəfində isə Bennedict Mathurin 24 xalla komandasının ən məhsuldar oyunçusu oldu. Pascal Siakam 16, TJ McConnell və Andrev Nembhard isə hər biri 15 xalla çıxış etdilər.

Oklahoma City Thunder, bu tarixi qələbə ilə həm klubun, həm də azarkeşlərinin illərdir gözlədiyi titul həsrətinə son qoydu.