BAKI, AzerVoice
Yekaterinburqda qətlə yetirilən azərbaycanlıların - Hüseyn və Ziyəddin Səfərov qardaşlarının meyitlərinin ekspertizası başlayıb.
AzerVoice-un məlumatına görə, onların nəşi “Məhkəmə-Tibbi Ekspertiza və Patoloji Anatomiya Birliyi”nə təhvil verilib.
Bundan əvvəl, Səfərov qardaşlarının nəşinin "Ural Airlines" aviaşirkətinə məxsus reyslə Bakıya gətirildiyi bildirilmişdi.
Qeyd edək ki, iyunun 27-də səhər saat 5 radələrində FSB əməkdaşları Yekaterinburq şəhərinin müxtəlif ünvanlarında yaşayan, Rusiya vətəndaşları, əslən Azərbaycanın Ağdam rayonundan olan Səfərovlar ailəsinin yaşadığı ünvanlarda əməliyyat keçirib. FSB əməkdaşlarının mənzillərə basqını zamanı Ziyəddin və Hüseyn Səfərov qardaşları qətlə yetirilib, döyülmə nəticəsində 8 nəfər, o cümlədən Səfərovların qardaşı Bakir Səfərov müxtəlif dərəcəli bədən xəsarəti alıb.