İsrail hakimiyyəti HƏMAS hərəkatının Qəzza zolağındakı silahlı qanadının yeni rəhbəri Məhəmməd Odenin İsrail ordusunun həyata keçirdiyi hava hücumu nəticəsində öldürüldüyünü bəyan edib. İsrail Müdafiə naziri Israel Kats sosial şəbəkə hesabında paylaşdığı açıqlamada bildirib ki, “HƏMAS terror təşkilatının silahlı qanadının rəhbəri məhv edilib”. HƏMAS tərəfindən isə məsələ ilə bağlı hələlik rəsmi açıqlama verilməyib.

İsrailin Baş naziri Benyamin Netanyahu Livandakı hərbi əməliyyatlarla bağlı yeni açıqlama verərək atəşkəs dövründə yüzlərlə Hizbullah üzvünün öldürüldüyünü iddia edib. Açıqlama İsrail–Livan xəttində son həftələrdə müşahidə olunan gərginlik və davam edən hava hücumları fonunda səsləndirilib. Bununla yanaşı, təqdim olunan rəqəmlərin müstəqil mənbələr tərəfindən təsdiqlənmədiyi vurğulanır. Müşahidəçilər qeyd edirlər ki, müharibə şəraitində tərəflərin itkilərlə bağlı açıqlamaları fərqli ola və əlavə təsdiq tələb edə bilər.

İsrailin siyasi və hərbi rəhbərliyi regionda artan təhlükəsizlik gərginliyi fonunda yeni müşavirə keçirib. Baş nazir Benyamin Netanyahu müdafiə və hərbi rəhbərliklə təhlükəsizlik məsələlərini müzakirə edib. Görüşün Livanda mümkün genişmiqyaslı hərbi əməliyyatlarla bağlı ehtimalların gücləndiyi bir dövrə təsadüf etməsi diqqət çəkir. Son günlər İsrailin Livanın cənubu və Bəqaa vadisində hava və hərbi əməliyyatlarının intensivləşməsi regionda vəziyyətin daha da mürəkkəbləşə biləcəyi ilə bağlı narahatlıqları artırıb. Analitiklər hesab edirlər ki, sərhəd boyunca davam edən qarşılıqlı hərbi fəaliyyətlər yeni təhlükəsizlik ssenarilərini gündəmə gətirə bilər.

İsrail Baş naziri Benyamin Netanyahu Hizbullaha qarşı əməliyyatların intensivləşdirilməsi barədə göstəriş verib. Baş nazirin sözlərinə görə, ordunun zərbələri “güclü” olacaq və əməliyyatların miqyası genişləndiriləcək. Netanyahu Hizbullahla “müharibə vəziyyətində” olduqlarını vurğulayıb və son həftələrdə qruplaşmanın 600 üzvünün öldürüldüyünü iddia edib. O əlavə edib ki, zərbələr davam edəcək və dayanmayacaq, bu da regiondakı gərginliyi artırır.

İranın xarici işlər naziri Abbas Əraqçi Livan parlamentinin sədri və Hizbullahın baş katibinə göndərdiyi mesajlarda dəstəyini ifadə edib və Livan hökuməti, xalqı, həmçinin müqavimət hərəkatını “Müqavimət və Azadlıq Günü” münasibətilə təbrik edib. Bu addım İsrailin Livandan çıxmasının ildönümünə təsadüf edir və ABŞ Dövlət katibi Marko Rubionun tənqidlərinə cavab xarakteri daşıyır. Hazırda ABŞ-İran arasında mümkün razılaşma prosesi davam edir və müharibənin dayandırılmasını əhatə edib-etmədiyi dəqiq bilinmir. Martın 2-dən bəri münaqişə 3,000-dən çox ölüm və yüz minlərlə didərginlə nəticələnib. İran isə Livan və Hizbullahı dəstəkləyərək razılaşma prosesində onları tərk etməyəcəyini təsdiqləyib.

ABŞ Prezidenti Donald Tramp İranla bağlı prosesin hazırda iki mümkün istiqamət arasında olduğunu bildirib. Onun sözlərinə görə, Vaşinqton və Tehran ya diplomatik razılaşmaya daha da yaxınlaşacaq, ya da gərginlik yenidən yüksələ bilər. Tramp tərəflər arasında müəyyən irəliləyiş olduğunu qeyd edib və yaxın günlərin danışıqların gələcək taleyi baxımından həlledici ola biləcəyini vurğulayıb.

Fransa hökuməti İsrailin milli təhlükəsizlik naziri İtamar Ben-Qvir üçün ölkəyə giriş qadağası tətbiq edib. Qərarın Qəzzaya doğru hərəkət edən humanitar flotiliyada iştirak edən fəallarla davranışla bağlı verildiyi bildirilib.

ABŞ-də evangelist dini dairələrlə siyasi hakimiyyət arasında formalaşan yeni münasibət modeli Yaxın Şərqdəki müharibə proseslərinə təsir edən əsas amillərdən birinə çevrilib. Xüsusilə 2026-cı ildə İran ətrafında baş verən hadisələr Vaşinqtonda dini-messiançı yanaşmanın xarici siyasət qərarlarında daha açıq şəkildə hiss olunmağa başladığını göstərir.

ABŞ Prezidenti Donald Tramp ilə İsrail Baş naziri Benyamin Netanyahu arasında İran məsələsində fikir ayrılığı yaranıb. Axios-un mənbələri bildirir ki, Tramp Netanyahuya ABŞ və İranın imzalayacağı, savaşı rəsmi olaraq sona çatdıracaq və İranın nüvə proqramı ilə Hörmüz Boğazının açılması kimi məsələləri əhatə edən 30 günlük danışıqlar prosesini başlatmaq üçün “niyyət məktubu” üzərində işlədiklərini bildirib.

İsrailin baş naziri Benyamin Netanyahu Qəzzaya yönələn flotiliyanın iştirakçılarının mümkün qədər tez deportasiya edilməsi üçün göstəriş verdiyini açıqlayıb. Netanyahu flotilaları dayandırmaq üçün “tam hüquqa malik olduğunu” iddia etsə də, onun ifrat sağçı müttəfiqi İtamar Ben-Qvirin fəallarla rəftarı barədə “İsrailin dəyərlərinə və normalarına uyğun olmadığını” bildirib. Netanyahu qeyd edib: “Mən müvafiq qurumlara təxribatçıların mümkün qədər tez deportasiya olunması barədə göstəriş vermişəm.”

İran Müdafiə Nazirliyinin sözçüsü, briqada generalı Rza Təlai-Nik ABŞ və İsrailə sərt xəbərdarlıq edib. O bildirib ki, İran Silahlı Qüvvələri ölkəyə qarşı mümkün yeni hücumlara cavab verməyə tam hazırdır. Rza Təlai-Nik açıqlamasında son qarşıdurmaların ABŞ hegemonluğunun zəiflədiyini göstərdiyini iddia edib. Onun sözlərinə görə, artıq bir çox ölkə Vaşinqtonun təkqütblü siyasətinin çökməyə başladığını anlayır.

Kipr Respublikasının rəhbəri Nikos Hristodulidis Yunanıstan parlamentində çıxışı zamanı Türkiyəyə qarşı sərt ittihamlar səsləndirib və Avropa qurumlarını hərəkətə keçməyə çağırıb.

Bir tərəfdən ABŞ və İsrail, digər tərəfdən isə İran arasında müharibənin şiddətləndiyi, mövcud reallıqla bağlı iki fərqli yanaşmanın ortaya çıxdığı bir şəraitdə regional münaqişə daha da dərinləşir. Bu yanaşmalardan biri İranın müxtəlif Körfəz ölkələrinə və İordaniyaya təcavüzünə cavab olaraq ona qarşı müharibəyə birbaşa qoşulmağı dəstəkləyir. Digər tərəf isə "nə dəvəsi, nə də çomağı" (heç bir marağı) olmadığı bir müharibəyə sürüklənməkdən qaçmağa meyillidir. Çünki bu müharibənin nəticələri Şahzadə Turki əl-Feysəlin "Şərq əl-Övsat" qəzetindəki məşhur "Məhəmməd bin Salman belə uğur qazandı" başlıqlı məqaləsində qeyd etdiyi kimi, həm ərəb, həm də İran tərəfi üçün fəlakətli olacaqdır.

İran mediası, Hindistanda keçirilən BRICS toplantısının iştirakçılarının İran ilə Birləşmiş Ərəb Əmirlikləri (BƏƏ) arasında yaranan fikir ayrılıqları səbəbindən yekun bəyannamə qəbul etməkdə çətinliklə üzləşə biləcəyini bildirib. İran xarici işlər nazirinin müavini Kazem Gharibabadi, Yeni Dehlidə keçirilən görüşdə BƏƏ-nin iştirakı səbəbindən "problemlər və müzakirələr" mövcud olduğunu açıqlayıb.

Türkiyənin hakim Ədalət və İnkişaf Partiyasının (AK Parti) Sədr müavini və partiya sözçüsü Ömər Çelik, İsrailin Benyamin Netanyahu hökumətinin Əl-Əqsa Məscidinə yönəlmiş hərəkətlərinə reaksiya verib. Çelik, Netanyahu hökumətinin mütəmadi olaraq bəşəriyyətə qarşı cinayət işləməkdə davam etdiyi bildirilib.

ABŞ-ın paytaxtı Vaşinqtonda bu gün Livan və İsrail arasında yeni danışıqlar raundu keçirilir. ABŞ vasitəçiliyi ilə baş tutan görüşlər İsrailin Livana qarşı həyata keçirdiyi genişmiqyaslı hücumlardan cəmi bir gün sonraya təsadüf edir. Son hücumlar nəticəsində azı 22 nəfər, o cümlədən 8 uşaq həyatını itirib. İsrail ordusunun endirdiyi zərbələr Livanın cənubundakı yaşayış məntəqələrini, avtomobilləri və Beyrutla ölkənin cənubunu birləşdirən sahil yolunu hədəfə alıb. Gərginliyin artması ötən ilin aprel ayında ABŞ-ın vasitəçiliyi ilə əldə olunmuş atəşkəs razılaşmasına baxmayaraq baş verir. İsrail ordusu bildirib ki, əməliyyatlar zamanı “Hizbullaha məxsus silah anbarları, raket qurğuları və hərbi infrastruktur” vurulub. Buna cavab olaraq Hizbullah İsrail qüvvələrinin Həddəta yaşayış məntəqəsi istiqamətində irəliləməsinin qarşısını aldıqlarını, həmçinin İsrail hərbi mövqelərinə raket və pilotsuz uçuş aparatları ilə zərbələr endirdiklərini açıqlayıb.

ABŞ mərkəzli araşdırma şirkətlərinin hazırladığı son hesabatlarda 1979-cu ildən bu yana yəhudi əleyhdarlığının ən yüksək səviyyəyə çatdığı bildirilib. Hesabatlarda xüsusilə sosial mediada həm yəhudi, həm də İsrail əleyhinə ritorikanın daha geniş yayılmağa başladığı qeyd olunub.

İsrailin Baş naziri Benyamin Netanyahu ABŞ-ın İsrailə göstərdiyi hərbi və maliyyə yardımının mərhələli şəkildə dayandırılmasının vaxtının çatdığını bildirib. Netanyahu ABŞ-ın CBS televiziya kanalında yayımlanan “60 Minutes” proqramına müsahibəsində İsrail iqtisadiyyatının gücləndiyini və artıq yardım modelindən strateji tərəfdaşlıq modelinə keçmək istədiklərini bəyan edib.

İsrailin Baş naziri Benyamin Netanyahu "CBS" şəbəkəsinə verdiyi müsahibədə İranla davam edən gərginlik və qarşıda duran hədəflər barədə mühüm açıqlamalar verib. Baş nazir bildirib ki, böyük nailiyyətlər əldə olunmasına baxmayaraq, İranla müharibə hələ bitməyib. Netanyahunun sözlərinə görə, İranın hərbi potensialına ciddi zərbə vurulsa da, görülməli olan çox iş var.

İsrailin Baş prokuroru Gali Baharav-Miara Baş nazir Benyamin Netanyahu tərəfindən Roman Qofmanın Mossad rəhbəri vəzifəsinə təyin olunmasına etiraz edib. İsrail dövlət televiziyası KAN-ın məlumatına görə, Baş prokuror məsələ ilə bağlı İsrail Ali Məhkəməsinə rəsmi etiraz ərizəsi təqdim edib. Baharav-Miara sənəddə Qofmanın təyinatında “əsaslı hüquqi və etik qüsurlar” olduğunu vurğulayıb.

Livan Prezidenti Cozef Aun İsrailin baş naziri Binyamin Netanyahu ilə mümkün görüşdən imtina edib. Livan tərəfi belə bir görüşün ölkədə aparılan sabitlik səylərinə mənfi təsir göstərə biləcəyini əsas gətirib. Bildirilib ki, Beyrut bu mövqeyini ABŞ tərəfinə çatdırıb və Vaşinqtonun da bu yanaşmanı müsbət qarşıladığı qeyd olunur.

“Bilmirəm niyə ABŞ İrana qarşı hərəkət etmək üçün 47 il gözlədi”. Bu sözlər Donald Trump tərəfindən səsləndirildikdən sonra Vaşinqtonun onilliklər boyu niyə birbaşa genişmiqyaslı hərbi qarşıdurmadan yayınması yenidən beynəlxalq müzakirələrin mərkəzinə çevrilib.

İsrail ordusu çərşənbə günü atəşkəs razılaşmasından sonra ilk dəfə Livanın paytaxtı Beyrutu hədəf alıb. İsrail tərəfi zərbənin, Hizbullahın elit “Radvan” bölməsinin komandirlərindən birini hədəf aldığını açıqlayıb. Hücum Beyrutun cənub ətrafında həyata keçirilib. İsrailin Baş naziri Benyamin Netanyahu və müdafiə naziri İsrael Katz birgə bəyanatda əməliyyatı təsdiqləyib. İsrail mediası hədəf alınan şəxsin öldürüldüyünü yazsa da, bu məlumat rəsmi şəkildə təsdiqlənməyib.

Livan Prezidenti Cozef Aun İsrailin Baş naziri Benyamin Netanyahu ilə mümkün görüşün hazırda gündəmdə olmadığını açıqlayıb. O bildirib ki, belə bir görüş yalnız təhlükəsizlik razılaşması əldə edildikdən və İsrailin hücumları dayandırıldıqdan sonra mümkün ola bilər.