ABŞ Prezidenti Donald Tramp, Tayland və Kamboca arasında atəşkəsə baxmayaraq yenidən başlayan sərhəd münaqişəsini bir neçə telefon danışığından sonra “yoluna qoyacağını” bildirib. Tramp, Respublikaçı və Demokrat Konqres üzvlərini Ağ Evdə qarşıladığı Yeni İl tədbirində gündəmdəki məsələlərə toxunub. Tayland və Kamboca arasındakı son dövrdə başlayan münaqişə xaricində, prezidentlik dönəmində dünya üzrə 8 münaqişəni sona çatdırdığını qeyd edib.

Tayland və Kamboca arasındakı döyüşlər beşinci gününə daxil olub. Kamboca ordusu Taylandın hərbi qüvvələrini atəş açmaqda günahlandırarkən, Taylandın vəzifədə olan Baş Naziri Anutin Çarnvirakul ABŞ prezidenti ilə danışmaq üçün görüş planlaşdırdığını təsdiqləyib. Tayland qüvvələri cümə səhəri saatlarında Kambocanın üç əyalətində yeni hücumlar həyata keçirib. Qəzet yazır ki, Tayland qüvvələri Oddar Meançay əyalətinin Ta Moan, Ta Kra Bei və Thmar Daun bölgələrində atəş açıblar.

ABŞ Prezidenti Donald Trampın Qəzza zolağında yerləşdirilməsi nəzərdə tutulan Beynəlxalq Sabitlik Qüvvəsinə (BSQ) rəhbərlik etmək üçün ABŞ ordusunun general-mayor rütbəli zabitini təyin etməyi nəzərdən keçirdiyi bildirilir. Məlumat ABŞ mərkəzli “Axios” nəşrinə danışan iki amerikalı və iki israilli rəsmi şəxsə əsaslanır.

ABŞ Nümayəndələr Palatası Suriyaya tətbiq edilən “Sezar Aktı” sanksiyalarının ləğvini nəzərdə tutan qanunvericilik təşəbbüsünü təsdiqləyib. Sənəd qəbul ediləcəyi təqdirdə, 2019-cu ildə qüvvəyə minmiş və Suriya hökumətini müharibə cinayətlərinə görə hədəfləyən “Sezar Aktı” rəsmi olaraq ləğv ediləcək. Qanun layihəsi Ağ Evə Suriyanın yeni hökumətinin terrorizmlə mübarizə tədbirləri və dini-etnik qrupların hüquqlarının qorunması ilə bağlı dövri hesabat təqdim edilməsini də öhdəlik kimi müəyyən edir.

ABŞ hökuməti Venesuela sahilləri açığında sanksiyaya məruz qalmış neft tankerini ələ keçirib. ABŞ Baş prokuroru Pam Bondi bildirib ki, FBI, Daxili Təhlükəsizlik Nazirliyi və Sahil Mühafizəsi ABŞ ordusunun dəstəyi ilə Venesuela və İran neftinin daşınmasında iştirak edən tankerin müsadirəsi üzrə orderi həyata keçirib. Onun paylaşdığı videoda iki helikopterin gəmi üzərinə enməsi və silahlı şəxslərin tankerə endiyi görünür.

ABŞ Prezidenti Donald Tramp bildirib ki, Qəzza "Sülh Şurası"nın üzvlərinin siyahısı gələn ilin əvvəlində elan olunacaq. O, Şuranın qlobal liderlərdən ibarət olacağını qeyd edib.

İsrailli druz lider Şeyx Muvaffaq Tarif ABŞ-ı Suriyada druz icmasının təhlükəsizliyinə dair təminatlar verməyə çağırıb. Tarif Reuters-ə açıqlamasında bildirib ki, belə təminatlar ilin əvvəlində druz əhalisinin üstünlük təşkil etdiyi Süveyda vilayətində baş vermiş zorakılığın təkrarlanmasının qarşısını almağa kömək edə bilər.

İsrail ordusunun Qəzza Zolağında həyata keçirdiyi hücumlardа həyatını itirənlərin sayı son 24 saatda 2 nəfər artaraq 70 min 369-a yüksəlib. Qəzzadakı Səhiyyə Nazirliyi yazılı açıqlamasında İsrailin hücumlarında yaşanan can itkiləri, yaralanmalar və dağıntılar altından çıxarılan cəsədlərlə bağlı son məlumatları paylaşdı. Son 24 saatda biri dağıntı altından çıxarılan 3 fələstinlinin cəsədi ilə 5 yaralının xəstəxanalara çatdırıldığı bildirilib.

ABŞ-ın Ankara Böyükelçisi və Suriya üzrə Xüsusi Nümayəndəsi Tom Barak ABŞ Prezidenti Donald Tramp ilə Türkiyə Prezidenti Rəcəb Tayyib Ərdoğan arasındakı müsbət münasibətlərin F-35 döyüş təyyarələrinin tədarükü üzrə ən məhsuldar danışıqlara imkan yaratdığını bildirib. Barak ABŞ mərkəzli X sosial media platformasında paylaşım edərək, Türkiyə ilə F-35 proqramına yenidən qoşulma və Rusiya istehsalı olan S-400 hava hücumundan müdafiə sisteminin saxlanılması mövzusunda müzakirələrin davam etdiyini qeyd edib.

İsrail mediasında Qəzza Zolağında yaradılması gündəmdə olan beynəlxalq qüvvə planı və bu çərçivədə Türkiyənin mümkün iştirakı geniş müzakirə olunub.

ABŞ Federal Məhkəməsi Donald Tramp administrasiyasının qərarını ləğv edərək Tufts Universitetinin doktorant tələbəsi Rumeysa Öztürkün tələbə statusunun bərpa olunması barədə göstəriş verib. Qərar tələbənin miqrasiya saxlanma mərkəzində səkkiz ay ərzində qanunsuz şəkildə saxlanılması ilə bağlı proseslər fonunda elan olunub.

Ukrayna ABŞ-a yeni sülh planının yenilənmiş versiyasını təqdim etməyə hazırlaşır. Volodimir Zelenski isə bir daha vurğulayıb ki, Kiyev Rusiya ilə danışıqlarda ərazi güzəştlərinə getməyəcək və ölkənin mövcud sərhədlərinin dəyişdirilməsi “nə hüquqi, nə də mənəvi baxımdan mümkün deyil. Zelenski Avropa və NATO liderləri ilə görüşləri zamanı ABŞ-dan gələn təkliflərə dair mövqeyini sərtləşdirib və Vaşinqtona yeni alternativ plan göndəriləcəyini açıqlayıb. Bu, ABŞ və Ukrayna nümayəndə heyətlərinin son günlərdə apardığı intensiv danışıqların nəticəsiz qalmasının ardından gündəmə gəlib.

ABŞ Prezidenti Donald Tramp Meksikanın su təchizatı ilə bağlı müqavilə öhdəliklərini yerinə yetirmədiyi üçün bu ölkəyə qarşı 5 faiz rüsum tətbiq edəcəyini bəyan edib. Amerika lideri bunu "Truth Social" hesabında yazıb.

Britaniyanın Liberal Demokrat Partiyasının lideri Ed Davey ABŞ Prezidenti Donald Trump-ı “Kremlinə xidmət etməkdə” ittiham edib və onu “Putinin maraqlarına işləyən” adlandırıb.

İsrail Baş naziri Benyamin Netanyahu dekabrın 29-da ABŞ Prezidenti Donald Tramp ilə Qəzza atəşkəsi planının növbəti mərhələlərini müzakirə edəcək.

Nyu-Yorkun seçilmiş meri Zöhrab Mamdani federal miqrasiya agentliyinin (ICE) son reydindən sonra şəhərin immiqrantlarına “susmaq və ICE ilə əməkdaşlıq etməmək hüququna” sahib olduqlarını açıqlayıb. O, sosial şəbəkədə paylaşdığı videoda üç milyon immiqrantın təhlükəsizliyinin şəhər administrasiyası üçün prioritet olduğunu deyib.

ABŞ Prezidenti Donald Tramp, Ukrayna Prezidenti Volodimir Zelenskinin ölkəsinin təklif etdiyi “sülh planını” oxumadığını və buna görə məyus olduğunu bildirib. Tramp, Kennedi Mərkəzində iştirak etdiyi tədbirdə qırmızı xalça üzərində jurnalistlərin gündəmə dair suallarını cavablandırıb. Zelenskinin, Rusiya-Ukrayna Müharibəsini bitirməyə yönəlmiş ABŞ-ın təklif etdiyi planı hələ oxumadığını qeyd edən Tramp, bu səbəbdən məyusluq yaşadığını söyləyib.

27 noyabr 2024 səhərinin erkən saatlarından sonra Suriya artıq əvvəlki Suriya deyildi. “Hücumları Əngəlləmə Əməliyyatı” başladıqdan sonra on dörd il davam edən inqilab, müharibə və parçalanmadan sonra gözlənilən an gəldi. Yalnız on iki gün ərzində Bəşşar Əsəd rejimi görünməmiş sürətlə dağılaraq vilayətlər tədricən azad edildi və 8 dekabr səhəri döyüşçülər Dəməşqə daxil olaraq rejimin sona çatdığını elan etdilər. Eyni günün axşamı rejim lideri Moskvaya qaçarkən görüntüləndi.

Qətər Baş naziri Şeyx Məhəmməd bin Əbdürrəhman Al-Tani bildirib ki, Qəzza müharibəsində ABŞ tərəfindən dəstəklənən atəşkəsin möhkəmləndirilməsi ilə bağlı danışıqlar “kritik mərhələdədir” və hazırkı vəziyyəti tam atəşkəs adlandırmaq mümkün deyil.

İsrail ordusunun Qəzza Zolağında həyata keçirdiyi hücumlarda həyatını itirənlərin sayı son 48 saatda 6 nəfər artaraq 70 354-ə çatıb. Qəzza Sağlamlıq Nazirliyi yazılı açıqlamasında İsrail hücumlarında baş verən ölənlərin sayı və dağıntılardan çıxarılan cəsədlərlə bağlı son məlumatları paylaşıb. Bildirilib ki, son 48 saat ərzində İsrail hücumlarında 5-i dağıntı altından çıxarılan 6 Fələstinli və 15 yaralı xəstəxanalara çatdırılıb.

Amerika Birləşmiş Ştatlarının Prezidenti Donald Tramp Prezident İlham Əliyevə təşəkkür məktubu ünvanlayıb. Məktubda qeyd olunub: Hörmətli cənab Prezident.Nobel Sülh Mükafatına namizədliyimi irəli sürmək üçün Sizin və Baş nazir Paşinyanın birgə məktubunuza görə təşəkkür edirəm. Bizi vacib missiyamızı davam etdirməyə ruhlandıran bu yüksək qiymətə görə dərin minnətdarlığımı bildirirəm.

Kanada hökuməti Suriyanı “terrorizmi dəstəkləyən dövlətlər” siyahısından çıxardığını açıqlayıb. Kanada Xarici İşlər Nazirliyi eyni zamanda Heyət Təhrir əş-Şam (HTŞ) qruplaşmasının da “terror təşkilatı” statusundan çıxarıldığını bildirib. HTŞ Əsədi devirməkdə mühüm rol oynamış koalisiyaya liderlik edən qurum idi.

Suriya Prezidenti Əhməd Əş-Şəraa Bəşşər Əsədi devirdikdən sonra ölkənin beynəlxalq nüfuzunu bərpa edib və sanksiyaların ləğvinə nail olub. Lakin keçmiş silahlı qruplaşma liderinin əsas sınağı ölkə daxilində etimad qazanmaqdır.

FIFA 2026-cı il Dünya Çempionatının püşkatması zamanı gözlənilməz qərarla ABŞ Prezidenti Donald Trampa yeni “FIFA Sülh Mükafatı”nı təqdim edib. Bu, qurumun idmandan kənar sahəyə yönələn ilk belə addımı kimi qiymətləndirilir.