BMT bildirib ki, Livanda müharibə nəticəsində didərgin düşmüş 821 mindən çox insan evlərinə qayıtmağa başlayıb. Bununla belə, 360 mindən çox şəxs hələ də məcburi köçkün olaraq qalır və onların 26 minə yaxını dövlət sığınacaqlarında yaşayır. Məlumat Romada İsrail və Livan arasında ABŞ-nin vasitəçiliyi ilə keçirilən danışıqlar fonunda açıqlanıb. Livanın məlumatına görə, münaqişə nəticəsində 4 300-dən çox insan həlak olub.

Analitiklər Romada keçirilən İsrail–Livan danışıqlarının İsrail ordusunun əlavə geri çəkilməsi ilə nəticələnəcəyini gözləmirlər. İsrail Hizbullahın silahsızlaşdırılması və beynəlxalq yoxlama mexanizminin yaradılmasını əsas şərt kimi irəli sürür. Livan isə İsrailin işğal etdiyi 60-dan çox yaşayış məntəqəsini tərk etməsini tələb edir. Tərəflər hələ də prosesə nəzarət edəcək üçüncü tərəf barədə razılığa gələ bilməyiblər. ABŞ isə mexanizm formalaşmadan yeni geri çəkilmələrin baş verməyəcəyini bildirir.

Livanın Baş naziri Nəvaf Salam Hizbullahı adını çəkmədən ölkəni müharibəyə sürükləməkdə ittiham edib. O bildirib ki, silahlı qrupun fəaliyyəti İsrailə Livana qarşı hücumlar üçün bəhanə verib və ölkəyə ciddi ziyan vurub. Daha əvvəl Hizbullah lideri Naim Qasım isə Livan hökumətinin İsraillə danışıqlarını sərt tənqid etmişdi. Bu açıqlamalar Romada Livan və İsrail nümayəndələri arasında davam edən danışıqlar fonunda səsləndirilib. Tərəflər ABŞ-nin vasitəçiliyi ilə imzalanmış çərçivə sazişinin icrasını müzakirə edirlər.

ABŞ-nin vasitəçiliyi ilə Romada Livan və İsrail arasında birbaşa danışıqların yeddinci raundu başlayıb. Tərəflər iyunda imzalanmış çərçivə sazişinin icrasını müzakirə edirlər. Saziş İsrail qoşunlarının Livan ərazilərindən mərhələli çıxarılmasını, Livan ordusunun həmin bölgələrə yerləşdirilməsini və silahlı qrupların tərksilahını nəzərdə tutur. Danışıqlar Livanın cənubunda gərginliyin davam etdiyi şəraitdə keçirilir. İsrail ordusunun bölgədə hərbi əməliyyatları və dağıntı işləri də davam edir.

İsrail və Livan rəsmiləri arasında sərhəd mübahisələrinin həlli və İsrail qoşunlarının Livanın cənubundan çıxarılması ilə bağlı danışıqlar davam etsə də, bölgədəki vəziyyət əks istiqamətdə inkişaf edir. İsrail qüvvələrinin atəşkəs razılaşmasından sonra da Livanın cənubunda evləri, kənd təsərrüfatı sahələrini və mülki infrastrukturu dağıtmağa davam etdiyi bildirilir.

Livanın kənd təsərrüfatı naziri Nizar Hani İsraillə əldə olunan razılaşmanın hələlik gözlənilən nəticəni vermədiyini bildirib. Onun sözlərinə görə, hazırkı vəziyyət Livan rəhbərliyinin gözləntilərinə uyğun deyil. ABŞ-ın vasitəçiliyi ilə imzalanan razılaşma İsrail qüvvələrinin mərhələli şəkildə geri çəkilməsini nəzərdə tutur. Razılaşmadan bir aydan çox vaxt keçsə də, İsrail ordusu bəzi yaşayış məntəqələrini tam tərk etməyib. Eyni zamanda, Cənubi Livanda hərbi əməliyyatların davam etdiyi bildirilir. Nazir bölgədə vəziyyətin hələ də narahatlıq doğurduğunu vurğulayıb.

İsraildə 27 oktyabr tarixində ümumi parlament seçkiləri təşkil olunacaq. “Reuters” agentliyinin məlumatına görə, bu, “HƏMAS” qruplaşmasının 7 oktyabr 2023-cü il tarixində həyata keçirdiyi, ölkə daxilində dərin sarsıntı yaradan və İsrailin Qəzzə, Livan və İranla hərbi münaqişələrə cəlb olunması ilə Yaxın Şərqi gərginlik fəzaına sürüyən hücumundan sonra keçirilən ilk seçki olacaq.

İsrail ordusu Cənubi Livanda "Hizbullah"ın bir neçə üzvünü öldürdüyünü iddia edib. Əməliyyat Nəbatiyyə yaxınlığındakı Əli Tahir silsiləsində keçirilib. İsrailin məlumatına görə, əməliyyat zamanı bir zabit orta ağır yaralanıb və xəstəxanaya çatdırılıb. Hadisə UNESCO-nun Dünya İrs Siyahısında yer alan Bofor qalası yaxınlığında baş verib. "Hizbullah" hələlik bu iddiaya münasibət açıqlamayıb. Məlumat müstəqil mənbələr tərəfindən təsdiqlənməyib.

Sözügedən koalisiya məsələsi ilk gündəmə gələn dövrdə İran indiki vəziyyətdə deyildi

Uzun illər davam edən hərbi qarşıdurmalardan və kövrək sabitlik dövrlərindən sonra Livan ilə İsrail arasında Vaşinqtonda ABŞ-nin vasitəçiliyi ilə çərçivə sazişinin imzalanması regionda yeni bir siyasi mərhələnin əsasını qoyub.

Bu gün baş vermiş əsas hadisələrin xronoloji xülasəsini təqdim edirik

İsrail ordusunun Baş Qərargah rəisi Eyal Zamir ordunun bütün cəbhələrdə hərbi əməliyyatların davamına hazır olduğunu bildirib. O, Livan istiqamətində zərurət yaranarsa, İsrail qüvvələrinin daha dərinə irəliləyəcəyini deyib. İsrail atəşkəsə baxmayaraq Cənubi Livanda bəzi mövqelərdə qalmaqda davam edir. Paralel olaraq, "Hizbullah"ın tərksilahı və İsrail qoşunlarının çıxarılması ilə bağlı danışıqlar aparılır. Livan tərəfi Zamirin bəyanatına hələlik münasibət bildirməyib.

İsrail Livanın cənubunda hərbi texnikasına pilotsuz aparatla hücum edildiyini açıqlayıb. Təl-Əviv insidentə görə "Hizbullah"ı ittiham edib. Hadisənin Əli Tahir silsiləsi ərazisində baş verdiyi bildirilir. Hücum nəticəsində xəsarət alan olmayıb. İsrail bunu atəşkəs razılaşmasının açıq şəkildə pozulması adlandırıb. "Hizbullah" hələlik hadisə ilə bağlı açıqlama verməyib. Məlumatlar müstəqil şəkildə təsdiqlənməyib.

Suriya Prezidenti Əhməd əş - Şəraanın “Əl-Cəzirə” telekanalına müsahibəsində verdiyi açıqlamalar ölkəsinin regional siyasətinin əsas istiqamətləri ilə bağlı mühüm mesajlar kimi qiymətləndirilir. Müsahibə zamanı əsas diqqət Suriyanın İsraillə münasibətlərinin gələcəyi, Livandakı proseslər və İraqla inkişaf edən əlaqələrə yönəlib. Tədqiqatçılar hesab edirlər ki, Şəranın açıqlamaları Dəməşqin regionda daha balanslı və diplomatik xətt yürütmək niyyətini göstərir.

İsrailin Baş naziri Benyamin Netanyahu Ağ Evdə Donald Tramp ilə görüşə başlayıb. Bu, İranla müharibənin başlanmasından sonra liderlərin ilk görüşüdür. Danışıqlarda İran, Livandakı vəziyyət və "Hizbullah"ın silahsızlaşdırılması məsələlərinin müzakirəsi gözlənilir. Netanyahu Vaşinqtona siyasi təzyiqlərin artdığı bir vaxtda səfər edib. ABŞ və İran isə paralel olaraq sülh danışıqlarını bərpa ediblər. Görüşün nəticələri barədə hələlik rəsmi məlumat açıqlanmayıb. Regional təhlükəsizlik məsələləri əsas gündəlik mövzular sırasındadır.

Livanın xarici işlər naziri Yusif Rəcci ölkə ordusunun öz missiyasını yerinə yetirəcək gücə malik olduğunu bildirib. O, Livanın qanunsuz silahlardan azad edilməsinin vacibliyini vurğulayıb. Nazir Hizbullahı sərt tənqid edərək təşkilatın İranla əlaqəli olduğunu iddia edib. Rəcci silahsızlaşdırılmadığı müddətdə Hizbullahın siyasi və hərbi qanadları arasında fərq qoymağın mənasız olduğunu bildirib. O, Livanın sülh və sabitlik şəraitində inkişaf etməsini hədəf kimi göstərib. Hizbullah hələlik bu açıqlamalara cavab verməyib. Bəyanatlar tərəflərin rəsmi mövqelərini əks etdirir

Sananın dövlət məktəblərindən birinin həyətinin bir küncündə, qara libaslı bir qadın dayanıb. O, bir vaxtlar oğlunu burada səhər sırasına düzülərkən görməyə alışmışdı. Bu gün isə o, bura ana kimi deyil, həyatının qalan hissəsini ayaqda tutmağa çalışan bir təmizlikçi kimi qayıdıb. O, ağır bir sükutla yeri süpürür, sanki həyətin daşlarına pıçıldayır: “Mənim burada bir oğlum var idi; uşaq kimi getdi, meyit olaraq qayıtdı”.

Hizbullah işğal altındakı İordan çayının qərb sahilində məskunlaşmaçıların zorakılığını pisləyib. Təşkilat Tal kəndinin sakinlərinə dəstəyini ifadə edib. Bəyanatda hücum zamanı dörd fələstinli və iki israillinin öldüyü xatırladılıb. Hizbullah fələstinlilərin öz hüquqlarını və torpaqlarını müdafiə etmək əzmində olduqlarını bildirib. Açıqlama bölgədə artan gərginlik fonunda verilib. İsrail tərəfi hələlik bəyanata münasibət açıqlamayıb. Bölgədə təhlükəsizlik vəziyyəti gərgin olaraq qalır.

24 İyul tarixi dünya tarixində bir sıra önəmli hadisələrlə yadda qalıb. Bu gün baş vermiş əsas hadisələrin xronoloji xülasəsini təqdim edirik

ABŞ-İran qarşıdurmasının yeni mərhələsi Yəmən üzərindən Qırmızı dənizə də sirayət edib. İranın dəstəklədiyi husilərin Bab əl-Məndəb boğazından keçən Səudiyyə Ərəbistanı ilə əlaqəli neft tankerlərini hədəfə alacaqlarını bəyan etməsi qlobal enerji bazarlarında narahatlığı artırıb.

Rubio xəbərdarlıq edərək vurğulayıb: "Keçən həftə ərzində bu təhdidlə bağlı Səudiyyə tərəfi ilə bir neçə dəfə müzakirələr aparmışıq. Bu, yeni bir təhlükə olmasa da, son dövrlər yenidən özünü büruzə verməyə başlayıb. Məsələnin nüvəsində duran əsas məqam odur ki, İran bu proseslərin tam mərkəzində yer alır. Regionda sabitliyi bozan və ixtişaş yaradan əsas tərəf məhz İrandır".

Donald Tramp Suriyanın Hizbullahla mübarizə aparmaq istəyinin olduğunu bildirib. ABŞ prezidenti belə bir addımın effektiv ola biləcəyini deyib. Tramp Suriya Prezidenti Əhməd əş-Şəranın fəaliyyətini yüksək qiymətləndirib. O, Suriyanın daxili sabitliyinin gücləndiyini iddia edib. Hizbullah məsələsi regiondakı əsas təhlükəsizlik mövzularından biri olaraq qalır. Trampın açıqlaması Suriya və Livandakı vəziyyət fonunda diqqət çəkib.

21 İyul tarixi dünya tarixində bir sıra önəmli hadisələrlə yadda qalıb. Bu gün baş vermiş əsas hadisələrin xronoloji xülasəsini təqdim edirik

Livan Səhiyyə Nazirliyi mart ayından İsrail hücumları nəticəsində 4 328 nəfərin öldüyünü açıqlayıb. Həmin dövrdə 12 230 nəfərin yaralandığı bildirilib. İsrail və Livan arasında atəşkəs razılaşmasına baxmayaraq, cənub bölgəsində gərginlik davam edir. İsrail qüvvələrinin sərhəd yaxınlığında təhlükəsizlik zonasında qalacağı açıqlanıb. Livan tərəfi İsrailin zərbələri və dağıntı əməliyyatlarını davam etdirdiyini bildirir. İsrail isə addımlarını təhlükəsizlik tədbirləri ilə əsaslandırır. Bölgədə vəziyyət hələ də qeyri-sabit olaraq qalır.