Bakı. AzerVoice:
Qətər-Sloveniya arasında diplomatik və xüsusi pasport sahiblərinin ölkəyə giriş vizasından azad edilməsi ilə bağlı saziş imzalanıb.
AzerVoice xəbər verir ki, Qətər xarici işlər naziri Şeyx Məhəmməd bin Əbdülrəhman bin Casim Al Tani Dohada Sloveniyanın baş nazirinin müavini, xarici və Avropa işləri naziri Tanja Fajon ilə görüşüb.
Görüş zamanı tərəflər iki ölkə arasındakı əlaqələri və onların dəstəklənməsi və inkişaf etdirilməsi yollarını, həmçinin qarşılıqlı maraq doğuran bir sıra regional və beynəlxalq məsələləri müzakirə ediblər.
Görüşdən sonra iki ölkə arasında diplomatik və xüsusi pasport sahiblərinin ölkəyə giriş vizasından azad edilməsi ilə bağlı saziş imzalanıb.
Məlumat üçün qeyd edək ki, müqaviləni Qətər adından baş nazir, Sloveniya adından isə Sloveniyanın baş nazirinin müavini imzalayıb.
Hafiz Rufizoğlu
Xəbərlərimizi “WhatsApp” kanalımızdan oxuyun
