Bakı, AzerVoice

Qəzzadakı Media Ofisi, köçkünlərin Qəzza şəhərinə və şimal bölgələrinə geri dönüşü ilə bağlı İsrailin mülki şəxslərə xəyanət edə biləcəyinə dair xəbərdarlıq edib.

AzerVoice xəbər verir ki, ofis Fələstin xalqını məsuliyyətli davranmağa və qeyri-rəsmi məlumatlara etibar etməməyə çağırıb.

Məlumatda, köçkünlərin geri dönüşü ilə bağlı xəbərlərin yalnız vəziyyətə nəzarət edən rəsmi mənbələrdən əldə edilməli olduğu qeyd edilib.

Xatırladaq ki, Qəzza zolağında davam edən müharibəyə son qoymaq məqsədilə əldə edilən atəşkəs, 200-dən çox Fələstinli məhbus və dörd İsrail girovunun mübadiləsindən sonra ikinci həftəsinə daxil olub.

HƏMAS, İsrail həbsxanalarındakı 300-ə yaxın Fələstinli məhbusun azad edilməsi müqabilində razılaşmanın ilk mərhələsində yeddi girovu azad edib.

İsrailin Baş naziri Benyamin Netanyahunun ofisi, mülki girov Ərbil Yehudun azad edilməməsi səbəbilə Qəzzanın şimalına geri dönüşlərə icazə verilməyəcəyini açıqlayıb. Bu qərar, HƏMAS-ın atəşkəs razılaşmasındakı mülki girovların prioritetlə azad edilməsinə dair öhdəliyini yerinə yetirmədiyini əsas gətirərək tətbiq edilib.