10 avqustda Alyaskanın Endicott Arm fiyordunda qeyri-adi təbiət hadisəsi baş verib. Nə zəlzələ, nə də vulkan püskürməsi olmasına baxmayaraq, bəzi bölgələrdə suyun səviyyəsi 30 metrədək qalxıb. Təfərrüatlı araşdırmalar göstərib ki, Cənubi Sawyer buzlaqının yaxınlığında 3,5 milyard kubmetr həcmində nəhəng bir yer kütləsi yer dəyişdirərək sürüşməyə səbəb olub. Sürüşmənin böyük hissəsi Tracy Arm fiyorduna düşərək, “seiche” adlanan yansımalı sunamiyə yol açıb. Alyaska Zəlzələ Mərkəzi bu hadisənin 2015-ci ildən bəri ən böyük sürüşmə və sunami ola biləcəyini açıqlayıb. ABŞ Sahil Mühafizəsi hadisə sonrası havadan bölgəni yoxlayıb və dağıntıların miqyasını görüntüləyib.

, Kim ABŞ və Cənubi Koreyanın “Ulchi Freedom Shield” adlı birgə hərbi təlimlərini ölkəsinə qarşı “düşmən mövqeyi” adlandıraraq, təhlükəsizlik baxımından nüvə arsenalının sürətləndirilməsinin vacibliyini vurğulayıb. KCNA-nın məlumatına görə, Kim ölkənin 5 min ton ağırlığında Choe Hyon gəmisinin silah sistemi sınaqlarını yoxlayıb. ABŞ və Cənubi Koreya isə Şimali Koreyanın təhdidlərinə cavab olaraq illik müdafiə təlimlərinə başlayıb.Təlimlərin avqustun 28-dək davam edəcəyi bildirilir.

Kardinal Pierbattista Pizzaballa qeyd edir ki, dövrümüzün ağrısı, "bizə sülh haqqında nə şirinləşdirilmiş və mücərrəd, buna görə də inandırıcı olmayan çıxışlar etməyə, nə də daha çox təhlil və ya ittihamlarla özümüzü məhdudlaşdırmağa imkan verir”. Əksinə, o təkid edərək deyir ki, "biz bu tezliklə bitməyi mümkün görünməyən faciənin içində imanlılar olaraq dayanmağa çağırılmışıq". Məryəm Ananın Səmaya Götürülməsi bayramında Abu Qoşdakı Benediktin monastırında keçirilən Messa zamanı Yerusəlimin Latın Patriarxı Vəhy kitabından bir parça üzərində dayanaraq düşüncələrini bölüşdü. O bildirdi ki, bu mətn “ağrılarla dolu bu aylar ərzində xristian icmasını dəfələrlə müşayiət edib və düşüncə mövzusu olub.”

Argentina mediasının məlumatına görə, Plaza de Mayo Təsis Xəttinin Anaları, Sülh və Ədalət Xidməti (Serpaj), Siyasi olaraq itkin düşənlərin və məhbusların ailələri və Argentina İnsan Haqları Liqası Netanyahunu “soyqırım, insanlığa qarşı cinayətlər və müharibə cinayətləri” törətməkdə ittiham edərək məhkəməyə müraciət edib. Şikayətdə İsrail hökumətinin Fələstin xalqına qarşı “sistematik qırğın siyasəti” yürüdərək onların yaşamaq, insan ləyaqəti və öz müqəddəratını təyinetmə hüququnu pozduğu bildirilib. Mətndə, Qəzzada on minlərlə insanın həlak olduğu, milyonlarla insanın didərgin düşdüyü, humanitar yardımların isə əngəlləndiyi vurğulanıb.

Dövlət Departamenti ilin əvvəlindən bu yana tələbələrin viza müddətinin pozulması, müxtəlif qanun pozuntuları və təhlükəsizliklə bağlı səbəblərə görə 6 mindən çox vizanın ləğv edildiyini təsdiqləyib. Rəsmi açıqlamada bildirilib ki, bu ləğvlərin böyük əksəriyyəti “hücum, sərxoş halda avtomobil idarəetmə, oğurluq və terrorizmə dəstək” kimi hallarla bağlıdır. Təxminən 4000 tələbənin vizası qanun pozuntularına görə, 200-300 nəfərin vizası isə “terrorla əlaqəli səbəblər” üzündən ləğv olunub.

BMT-nin Humanitar Məsələlər üzrə Koordinasiya Ofisi (UNOCHA) ötən il 383 humanitar işçinin öldürüldüyünü açıqlayıb ki, bu da indiyədək qeydə alınmış ən yüksək göstəricidir. UNOCHA-nın 19 avqust Ümumdünya Humanitar Yardım Günü ilə bağlı yaydığı bəyanatda, humanitar işçilərə qarşı zorakılığın əvvəlki illə müqayisədə 31 faiz artdığı vurğulanıb. Ölənlərin əksəriyyətinin öz icmalarına xidmət edən yerli işçilər olduğu, onların vəzifə başında və ya evlərində hücuma məruz qaldıqları bildirilib. Bəyanata görə, 2024-cü ildə 308 yardımçı yaralanıb, 125 nəfər qaçırılıb, 45 nəfər isə nəzarətə götürülüb.

Zelenski əsas məsələlərin yalnız liderlər səviyyəsində həll oluna biləcəyini vurğulayaraq, Putinlə birbaşa danışıqlara hazır olduğunu təsdiqləyib. O, bu istiqamətdə Avropa liderlərinin də dəstəyini aldığını qeyd edib. Zelenski, həmçinin, bu danışıqların baş tutması üçün ABŞ-ın təzyiqinin mühüm rol oynaya biləcəyini bildirib. Prezident qeyd edib ki, potensial görüşün tarixi hələ müəyyən edilməyib, lakin əsas müzakirə mövzularının təhlükəsizlik zəmanətləri və ərazi məsələləri olacağını gözləyir. Onun sözlərinə görə, ABŞ ilə danışıqlar zamanı Ukrayna xəritələri üzərində real vəziyyət ilk dəfə müzakirə edilib.

Ukrayna prezidenti Vladimir Zelenski ABŞ-a səfər edərək sülh danışıqlarına başlayıb. Hazırda o, Ukrayna üzrə xüsusi nümayəndə Keyt Kelloqla görüş keçirir. ABŞ prezidenti Donald Tramp bugünkü görüşlə bağlı “Ağ Evdə böyük bir gündür. Daha əvvəl heç vaxt bu qədər çox Avropa lideri bir araya gəlməmişdi. Bu Amerika üçün böyük şərəfdir. Nəticələrin nə olacağını görəcəyik” - deyərək, tarixi zirvənin əhəmiyyətini vurğulayıb.

Pakistan Milli Fəlakət İdarəetmə Təşkilatı (NDMA) tərəfindən verilən açıqlamada, yağışların səbəb olduğu fəlakətlərin təsirlərinin ölkə üzrə davam etdiyi bildirilib. Açıqlamada, ölkə üzrə baş verən fəlakətlərdə həyatını itirənlərin sayının 657-yə yüksəldiyi, ölənlərin 171-nin uşaq olduğu ifadə edilib. İtkin düşən 929 nəfəri tapmaq üçün axtarış-xilasetmə işlərinin davam etdiyi qeyd edilən açıqlamada, fəlakətlərdən ən çox təsirlənən əyalətin Hayber Paxtunxva olduğu və burada 150-dən çox şəxsin hələ də itkin düşdüyü qeyd olunub. Açıqlamada Hayber Paxtunxvada 390, Pəncabda 164, Gilgit-Baltistanda 32, Sinddə 28, Bəlucistanda 20, Azad Kəşmirdə 15 və İslamabadda 8 nəfərin həyatını itirdiyi məlumatı paylaşılıb.

İspaniyanın Gündəlik Ölüm Monitorinq Sistemi (MoMo) bu ilin 15 may–30 sentyabr tarixlərini əhatə edən hesabatında, avqustun 16-dək həddindən artıq istilərdən ölənlərin sayının 2405 nəfərə çatdığını açıqlayıb. Bu göstərici artıq ötən ilki rəqəmi geridə qoyub. Məlumata görə, yalnız avqustun ilk iki həftəsində 931 nəfər istilərin qurbanı olub. Müqayisə üçün, 2023-cü ilin yayında bu səbəbdən 3070, 2022-ci ildə isə 4789 nəfər dünyasını dəyişmişdi.

İran lideri Əli Xameneinin baş hərbi müşaviri Yəhya Rəhim Səfəvi universitet tələbələri qarşısında çıxış edərkən İsraillə İran arasında hər an yeni müharibənin başlaya biləcəyini bildirib. Səfəvi “Bizimlə İsrail və ABŞ arasında heç bir protokol yoxdur. Atəşkəs yoxdur. Hər an yeni müharibə başlaya bilər. Biz güclü və hazır olmalıyıq” - deyə bildirib. İranın xarici işlər naziri Abbas Erakçi isə müharibənin tezliklə baş verəcəyinə inanmadığını bildirib. O, silahlı qüvvələrin və hökumətin hər hansı gözlənilməz vəziyyətə tam hazır olmasının müharibənin qarşısının alınmasında əhəmiyyətli rol oynadığını qeyd edib.

BMT-nin Humanitar Məsələlərin Əlaqələndirilməsi Ofisinin (UNOCHA) “2025 Qlobal Humanitar Hesabatı”na əsasən, bu il dünyada humanitar yardıma ehtiyacı olan insanların sayı 2015-ci illə müqayisədə təxminən dörd dəfə artacaq. 2015-ci ildə isə 77,9 milyon insanın humanitar yardıma ehtiyacı olduğu qeyd edilib. Humanitar böhranın əsas səbəbləri arasında müharibələr, iqlim dəyişikliyi və təbii fəlakətlər – yanğın, daşqın, torpaq sürüşməsi və qasırğalar – yer alır. Hesabata görə, 305 milyon insandan 85 milyonu Cənubi və Şərqi Afrikada, 59 milyonu Yaxın Şərq və Şimali Afrikada, 57 milyonu Qərbi və Mərkəzi Afrikada, 55 milyonu Asiya-Sakit okean regionunda, 34 milyonu Latın Amerikası və Karib hövzəsində, 15 milyonu isə Avropada yaşayır.