BAKI,VOA,Yusif Şərifzadə

BMT-nin Uşaq Fondu (UNICEF) bildirib ki, 2025-ci ilin oktyabrında qüvvəyə minmiş atəşkəsdən sonra ötən 300 gün ərzində Qəzza zolağında azı 300 uşaq həyatını itirib.

VOA xəbər verir ki, UNICEF-in açıqlamasına görə, bu göstərici orta hesabla hər gün bir uşağın həlak olması deməkdir.

UNICEF-in Yaxın Şərq və Şimali Afrika üzrə regional direktoru Eduard Beyqbeder mövcud vəziyyətin uşaqların maraqlarını qorumaq baxımından qəbuledilməz olduğunu bildirib.

Onun sözlərinə görə, Qəzzadakı uşaqlar təhlükəsiz olmayan və sanitariya normalarına cavab verməyən şəraitdə yaşamağa məcburdurlar.

Bəyanatda qeyd olunub ki, uşaqlar eyni zamanda kəskin qidalanma çatışmazlığı, yoluxucu xəstəliklər və tibbi xidmətlərə çıxışın məhdudluğu ilə üz-üzədirlər.

UNICEF beynəlxalq ictimaiyyəti uşaqların müdafiəsinin gücləndirilməsi və humanitar yardımın maneəsiz çatdırılması üçün təcili tədbirlər görməyə çağırıb.

Qurum vurğulayıb ki, münaqişənin davam etməsi uşaqların həyatını və gələcəyini ciddi təhlükə altında saxlamaqda davam edir.