BAKI,VOA,Yusif Şərifzadə
Cənubi Amerika ticarət bloku Merkosur Yaponiya ilə iqtisadi tərəfdaşlıq sazişi üzrə danışıqlara başlayıb.
VOA xəbər verir ki, danışıqlar çərşənbə axşamı başlanıb və məqsəd Merkosurun Avropa İttifaqı ilə əldə etdiyi son razılaşmadan sonra ticarət əlaqələrini daha da genişləndirməkdir.
Məlumata görə, mümkün saziş təxminən 400 milyon nəfəri əhatə edən və ümumi daxili məhsulu 7 trilyon dollar olan azad ticarət məkanı yarada bilər.
Yeni tərəfdaşlıq axtarışları ABŞ Prezidenti Donald Trampın müxtəlif ölkələrdən idxal olunan mallara geniş tariflər tətbiq etməsi fonunda daha da aktuallaşıb.
Bu vəziyyət bir çox ölkəni iqtisadi əlaqələrini şaxələndirməyə və yeni ticarət tərəfdaşları axtarmağa vadar edir.